Kanchanjunga Express: ఘోర రైలు ప్రమాదం

ఈ ప్రమాదంపై బెంగాల్ ముఖ్యమంత్రి మమతా బెనర్జీ దిగ్బ్రాంతిని వ్యక్తం చేశారు. జిల్లా మేజిస్ట్రేట్, వైద్యులు, అంబులెన్స్‌లు సంఘటనా స్థలానికి చేరుకున్నాయని చెప్పారు. "ఇప్పుడే, డార్జిలింగ్ జిల్లాలోని ఫన్‌సిదేవా ప్రాంతంలో జరిగిన ఘోర రైలు ప్రమాదం గురించి తెలుసుకుని దిగ్భ్రాంతికి గురయ్యాను. కాంచనజంగా ఎక్స్‌ప్రెస్‌ను గూడ్స్ రైలు ఢీకొట్టినట్లు సమాచారం. DM, SP, వైద్యులు, అంబులెన్స్‌లు, విపత్తు బృందాలు ఘటనా స్థలానికి చేరుకున్నాయి. రెస్క్యూ, రికవరీ, వైద్య సహాయం అందిస్తున్నారు" అని ఆమె ట్వీట్ చేసింది. ఈశాన్య ఫ్రాంటియర్ రైల్వే (NFR)కి చెందిన అత్యవసర వైద్య బృందం ప్రమాద స్థలానికి చేరుకుంది. ఈ ఘటనకి సంబంధించి సీల్దా స్టేషన్‌లో హెల్ప్‌డెస్క్ కూడా ప్రారంభించారు.