Basanagouda Yatnal : సోనియా గాంధీ ‘విష క‌న్య‌’..

కర్ణాటక ఎన్నికలు(Karnataka Elections) ద‌గ్గ‌ర‌ప‌డుతున్న త‌రుణంలో రాష్ట్రంలో పొలిటిక‌ల్ హీట్ మ‌రింత రాజుకుంటుంది. అన్ని పార్టీల నేత‌లు ఒకరిపై ఒకరు మాట‌ల యుద్ధం చేస్తున్నారు. ఈ క్ర‌మంలోనే బీజేపీ(BJP), కాంగ్రెస్‌(Congress)ల మ‌ధ్య‌ మరోసారి రగడ మొదలైంది. గురువారం కాంగ్రెస్ అధ్యక్షుడు మల్లికార్జున్ ఖర్గే(Mallikarjun Kharge) ప్రధాని మోదీ(PM Modi)ని విషసర్పంతో పోల్చారు. దీనిపై బీజేపీ ఎమ్మెల్యే సోనియా గాంధీ(Sonia Gandhi)పై దాడికి దిగారు. ప్రధాని మోదీని విషసర్పం అనడంపై తీవ్ర ఆగ్రహం వ్యక్తం చేసిన కర్ణాటక బీజేపీ ఎమ్మెల్యే(Karnataka BJP MLA) బసనగౌడ యత్నాల్(Basanagouda Yatnal).. యూపీఏ ఛైర్‌పర్సన్ సోనియా గాంధీని ‘విష క‌న్య‌’ అన్నారు.

బసనగౌడ ప్రకటనపై ఛత్తీస్‌గఢ్ ముఖ్యమంత్రి భూపేష్ బాఘేల్(Bhupesh Baghel) తీవ్ర అసంతృప్తి వ్యక్తం చేశారు. కర్ణాటకలోని ఓ బీజేపీ ఎమ్మెల్యే సోనియా గాంధీని పాయిజన్ గర్ల్(Poisonous Woman) అని అన్నారు. నిన్న ఖర్గే ప్రకటనపై దేశవ్యాప్తంగా బీజేపీ నిరసన వ్యక్తం చేసింది. హూందాతనాన్ని ప్రదర్శిస్తూ ఖర్గే మాటను వెనక్కి తీసుకున్నారు. ఈరోజు సోనియా గాంధీని ఆ ఎమ్మెల్యే విష క‌న్య‌(Vishkanya) అని పిలిచారు. ఈ విషయంలో నరేంద్ర మోదీ, అమిత్ షా ఏం మాట్లాడతారో దేశం తెలుసుకోవాలని అన్నారు.

కర్ణాటకలో జరిగిన బహిరంగ సభలో మల్లికార్జున్ ఖర్గే మాట్లాడుతూ.. మోదీ విషసర్పం లాంటి వారు. టచ్ చేసి చూడండి మీకే తెలుస్తుంది. ముట్టుకుంటే చచ్చిపోతారు. మీరు కాదు అనుకుంటే అది విషం కాదని అన్నారు. ఆ విషం తింటే కలకాలం నిద్రపోతార‌ని అన్నారు. మల్లికార్జున్ ఖర్గే ప్రకటన‌పై బీజేపీ నేతలు కాంగ్రెస్‌పై విరుచుకుపడ్డారు. నేడు ఎలాంటి విషం చిమ్ముతున్నారో దేశం చూస్తోందని కేంద్ర మంత్రి స్మృతి ఇరానీ అన్నారు. ఇలాంటి వ్యాఖ్యలతో కర్ణాటక ఎన్నికల్లో కాంగ్రెస్ ఓటమి ఖాయమని ఆయన ధీమా వ్యక్తం చేశారు. అనంతరం ఖర్గే కూడా తన ప్రకటనపై వివరణ ఇచ్చారు. ఎవరి మనోభావాలు దెబ్బతీయాలన్నదే తన ఉద్దేశం కాద‌ని అన్నారు. ఈ వ్యాఖ్య ఏ వ్యక్తి గురించి కాదు, మోదీ భావజాలం గురించి. తెలిసో తెలియకో ఎవరి మనోభావాలైన‌ దెబ్బతింటే అది నా ఉద్దేశ్యం కాదు, నా సుదీర్ఘ రాజకీయ జీవితంలో అలాంటి ప్రయ‌త్నం కూడా చేయ‌లేద‌న్నారు. కాంగ్రెస్ కర్నాటక ఇన్‌చార్జి రణ్‌దీప్ సూర్జేవాలా కూడా బీజేపీపై ఫైర్ అయ్యారు. కర్ణాటకలో దళిత కుటుంబంలో పుట్టిన వ్యక్తి బ్లాక్ ప్రెసిడెంట్ పదవి నుంచి పార్టీ అధ్యక్షుడిగా ఎదగడాన్ని బీజేపీ జీర్ణించుకోలేక పోతుందన్నారు.