World Idli Day : ఇవాళ ప్రపంచ ఇడ్లీ దినోత్సవం

మామూలు రోజుల్లో ఇష్టంగా, వంట్లో బాగోలేనప్పుడు అయిష్టంగా తినే అల్పాహారం ఇడ్లీకి(Idli) కూడా ఓ రోజుంటుంది. ఆ రోజు ఈ రోజే! అంటే ఇవాళ అనగా మార్చి 30వ తేదీన ప్రపంచ ఇడ్లీ దినోత్సవం(World Idli Day) . కాబట్టి ఇనియవాన్‌ను(Iniyavan) గుర్తు చేసుకుందాం! ఆయన ఎవరంటే కోయంబత్తూరు(Coimbatore) నివాసి. కానీ బతుకుదెరువు కోసం మద్రాస్ చేరి ఇడ్లీలు చేసి అమ్మే దుకాణం పెట్టి వందల రకాల ఇడ్లీలు చేశారు. 20 రకాల ఇడ్లీలకు పేటెంట్ హక్కులు పొందారు. ఆ కృషికి గుర్తింపుగా తమిళనాడు కుకింగ్ అసోసియేషన్ ఆయన పుట్టిన రోజైన మార్చి 30 వతేదీని ప్రపంచ ఇడ్లీ దినోత్సవంగా ప్రకటించింది. అదన్నమాట సంగతి. అసలు ఇడ్లీ ఇండోనేషియాలో 800 -1200 సంవత్సరాల మధ్య రూపొందిన పుల్లటి వంటకం! ఎలాగో అలాగ దక్షిణాదికి చేరింది. ఇడ్లీపై భారతదేశంలో ముఖ్యంగా దక్షిణ భారతదేశంలో జరిగినన్ని ప్రయోగాలు ఎక్కడా జరిగివుండవు. సౌత్ ఇండియన్స్ ఎక్కడ వుంటే ఇడ్లీ అక్కడ వుంటుంది.