Rahul Gandhi : అమెరికాలో చైనాను పొగిడిన రాహుల్.. బీజేపీ ఎదురుదాడి
లోక్‌సభలో ప్రతిపక్ష నేత రాహుల్‌గాంధీ అమెరికాలో చైనాను పొగిడి సొంత దేశంలోనే విమర్శల పాల‌య్యారు.
లోక్‌సభలో ప్రతిపక్ష నేత రాహుల్‌గాంధీ అమెరికాలో చైనాను పొగిడి సొంత దేశంలోనే విమర్శల పాల‌య్యారు. భారత్‌లో ఉత్పత్తిపై దృష్టి సారించాల్సిన అవసరాన్ని నొక్కిచెప్పిన ఆయన.. ప్రపంచ ఉత్పత్తిలో చైనా ఆధిపత్యం చెలాయిస్తోందని అన్నారు. అందువల్లే చైనా నిరుద్యోగాన్ని ఎదుర్కోదు. అయితే భారత్‌, అమెరికాతో సహా పశ్చిమ దేశాలు నిరుద్యోగ సమస్యను ఎదుర్కొంటున్నాయన్నారు.
దీనిపై అధికార బీజేపీ గట్టిగానే ఎదురుదాడి చేసింది. రాహుల్ గాంధీ భారత్‌ను బలహీనపరిచే పనిలో ఉన్నారని.. ఆయన చైనాకు అండగా నిలుస్తున్నారని పార్టీ అధికార ప్రతినిధి గౌరవ్ భాటియా అన్నారు. టెక్సాస్ విశ్వవిద్యాలయంలో విద్యార్థులతో ఇంటరాక్ట్ అయిన రాహుల్ గాంధీ.. భారతదేశంలో నైపుణ్యాలకు కొరత లేదని అన్నారు. దేశం ఉత్పత్తికి తనను తాను సిద్ధం చేసుకోవడం ప్రారంభిస్తే.. చైనాతో పోటీపడగలదన్నారు.
రాహుల్ గాంధీ అమెరికా పర్యటనపై బీజేపీ చేసిన ఆరోపణలపై కాంగ్రెస్ జాతీయ అధ్యక్షుడు మల్లికార్జున్ ఖర్గే మాట్లాడుతూ.. తాము ఎప్పుడూ భారత్‌ పరువు తీయలేదని.. ఇది మా వాగ్దానం అని అన్నారు. బీజేపీ ప్రజలకు సాకులు కావాలి. వారు ఇలాంటి సమస్యలను ఎప్పటికప్పుడు లేవనెత్తారని అన్నారు.
రాహుల్ గాంధీ ప్రస్తుతం అమెరికాలో నాలుగు రోజుల అనధికారిక పర్యటనలో ఉన్నారు. పాశ్చాత్య దేశాల్లో ఉపాధి సమస్య ఉందని కాంగ్రెస్ నేత అన్నారు. భారతదేశంలో ఉపాధి సమస్య ఉంది. కానీ ప్రపంచంలోని అనేక దేశాలలో ఉపాధి సమస్య లేదు. చైనాలో ఖచ్చితంగా ఉపాధి సమస్య లేదు. వియత్నాంలో ఉపాధి సమస్య లేదు.
గత శతాబ్దపు అమెరికా ప్రపంచ ఉత్పత్తికి కేంద్రంగా ఉందని రాహుల్ అన్నారు. తర్వాత అమెరికాలో ఉత్పత్తి తగ్గడం ప్రారంభమైంది. కొరియా, తరువాత జపాన్‌లో ఉత్పత్తి ప్రారంభమైంది. అంతిమంగా చైనా ఉత్పత్తి కేంద్రంగా మారింది. ఈరోజు చూస్తే ప్రపంచ ఉత్పత్తిలో చైనాదే ఆధిపత్యం అన్నారు.
కాంగ్రెస్ తన పాలనలో చైనాతో అవగాహన ఒప్పందం (ఎంఓయు)పై సంతకం చేసిందని భాటియా పేర్కొన్నారు. భారత ప్రజాస్వామ్యాన్ని నిర్వీర్యం చేసేందుకు రాహుల్ గాంధీ చేస్తున్న ప్రయత్నాలు ఆ ఎంఓయూ ఫలితమేన‌న్నారు. నాది తప్పు అయితే, ఎంఓయూని బహిరంగపరచాలని రాహుల్ గాంధీకి, కాంగ్రెస్ అధ్యక్షుడు మల్లికార్జున్ ఖర్గేకి సవాలు చేస్తున్నానని అన్నారు.
