Chinese garlic:వెల్లుల్లి కూడా చైనా నుంచేనా.. అదీ నాసిరకం

ఉత్తరప్రదేశ్‌లోని మహరాజ్‌గంజ్ జిల్లాలో భారత్-నేపాల్ సరిహద్దులో చైనా వెల్లుల్లిని స్వాధీనం చేసుకున్నారు. వాస్తవానికి కస్టమ్స్ శాఖ ఇటీవల 1400 క్వింటాళ్ల చైనా వెల్లుల్లిని ధ్వంసం చేసింది. ఈ వెల్లుల్లి(garlic)ని నేపాల్(Nepal)నుంచి భారత్‌కు అక్రమంగా రవాణా చేశారు. దీనిని పరిశీలించగా అది ఆరోగ్యానికి అత్యంత ప్రమాదకరమని తేలింది. ఈ వెల్లుల్లి సహజ ప్రక్రియ ద్వారా ఉత్పత్తి చేయబడదు, ఇది కృత్రిమంగా పెరుగుతుంది. ఈ వెల్లుల్లిలో ప్రమాదకరమైన శిలీంధ్రాలు కనిపించాయి. ల్యాబ్ పరీక్షలో విఫలమైన తర్వాత, ఈ వెల్లుల్లిని మట్టిలో పాతిపెట్టి నాశనం చేశారు.అయితే అధికారులు వెళ్లిపోయిన వెంటనే గ్రామస్తులు మట్టిని తవ్వి చైనా వెల్లుల్లిని వెలికితీశారు. కస్టమ్స్ డిపార్ట్ మెంట్ అధికారులు వెల్లుల్లిని ధ్వంసం చేసి తిరిగి వచ్చేసరికి మట్టిలోని వెల్లుల్లిని తీయడానికి స్థానికులు పోటీపడ్డారు.పెద్ద సంఖ్యలో చిన్నారులు, వృద్ధులు, మహిళలు సంఘటనా స్థలానికి చేరుకుని మట్టిలోంచి చైనా వెల్లుల్లి బస్తాలను బయటకు తీయడం ప్రారంభించారు. ఈ ఘటనకు సంబంధించిన వీడియో సోషల్ మీడియాలో వైరల్ అవుతోంది, ఇందులో ప్రజలు మట్టి నుండి వెల్లుల్లిని ఎలా తవ్వుతున్నారో స్పష్టంగా కనపడుతుంది.

గత నెలలో, కస్టమ్స్ డిపార్ట్‌మెంట్(Customs Department) పలు చోట్ల నేపాల్ నుంచి భారతదేశాని(India)కి అక్రమంగా తరలిస్తున్న సుమారు 16 టన్నుల చైనీస్ వెల్లుల్లిని స్వాధీనం చేసుకుంది.ఈ చైనీస్ వెల్లుల్లి ఆరోగ్యానికి చాలా హానికరమని, ఇందులో ఉండే ఫంగస్ తీవ్రమైన వ్యాధులకు కారణమవుతుందని ఆరోగ్య నిపుణులు అంటున్నారు. అయినప్పటికీ గ్రామస్తులు దానిని తీసుకుంటున్నారు. తినడానికి తీసుకెళ్తున్నామని, పొలాల్లో నాట్లు వేయడానికి తీసుకుంటున్నామని ఓ గ్రామస్థుడు చెప్పాడు.ఈ మొత్తం సంఘటన తర్వాత, చైనీస్ వెల్లుల్లి ఆరోగ్యానికి ప్రమాదకరమని తెలిసినప్పుడు, ఎందుకు పూర్తిగా నాశనం చేయలేదనే ప్రశ్న తలెత్తుతోంది. డిపార్ట్‌మెంట్ వెల్లుల్లిని మట్టిలో పూడ్చకుండా కాల్చి లేదా మరేదైనా పూర్తిగా ఎందుకు నాశనం చేయలేదని ప్రశ్నిస్తున్నారు.