Uddhav Thackeray : మహారాష్ట్రలో ఏం జరుగుతోంది? ఎమ్మెల్యేలతో కలిసి అజిత్ పవార్‌ను కలిసిన ఉద్ధవ్ ఠాక్రే

మహారాష్ట్ర(Maharastra Deputy CM) ఉప ముఖ్యమంత్రి అజిత్ పవార్(Ajith Pawar).. శివసేన (Uddhav Vargam) అధినేత ఉద్ధవ్ ఠాక్రేతో(Uddhav Thackeray) సమావేశమయ్యారు. ఉపముఖ్యమంత్రి అయిన తర్వాత తొలిసారిగా వారిద్దరూ ఒకరితో ఒకరు సమావేశమయ్యారు. ఉద్ధవ్ ఠాక్రే కుమారుడు ఆదిత్య ఠాక్రేతో(Adhithya Thackeray) పాటు ప‌లువురు ఎమ్మెల్యేలు కూడా అజిత్ పవార్‌ను కలిసిన వారిలో ఉన్నారు.

విధాన్ భవన్‌లోని(Vidhan Bhavan) క్యాబిన్‌లో వారి మధ్య సంభాషణ జరిగింది. ఉద్ధవ్ ఠాక్రే మీడియాతో మాట్లాడుతూ.. సమావేశంలో రాష్ట్ర పౌరులు, రైతుల పట్ల శ్రద్ధ వహించాలని అజిత్ పవార్‌ను కోరిన‌ట్లు తెలిపారు. అజిత్ పవార్ నాతో రెండున్నరేళ్లు పనిచేశారని ఉద్ధవ్ అన్నారు. దీన్ని బట్టి అతని పాత్ర నాకు తెలుసని అన్నారు. జూలై 14న అజిత్ పవార్‌కు ఆర్థిక, ప్రణాళికా మంత్రిత్వ శాఖ బాధ్యతలు అప్పగించారు. రాష్ట్రానికి, ప్రజలకు మంచి పని చేయాలని చెప్పిన‌ట్లు పేర్కొన్నారు. అజిత్ పవార్ తన కేబినెట్‌లో పనిచేశారని.. ఆయన వర్కింగ్ స్టైల్ తనకు తెలుసని అన్నారు.

శివసేన, నేషనలిస్ట్ కాంగ్రెస్ పార్టీలు రెండూ రెండు భాగాలుగా విడిపోయాయి. మహారాష్ట్ర ముఖ్యమంత్రి ఏక్‌నాథ్ షిండేతో పాటు ఓ శివసేన వర్గం ఉంది. ఇతర బృందం ఉద్ధవ్ థాకరేతో కలిసి ఉంది. అదేవిధంగా.. శరద్ పవార్ వైపు ఎన్‌సీపీకి చెందిన ఒక బృందం నిలబడగా, సింహ‌భాగం అజిత్ పవార్‌తో ఉన్నారు.