Amritsar Blast: గోల్డెన్ టెంపుల్ సమీపంలో అర్థరాత్రి మరో పేలుడు.. కొత్తగా పెళ్లయిన జంటతో సహా ఐదుగురి అరెస్ట్
పంజాబ్‌లోని అమృత్‌సర్‌లో బుధవారం అర్ధరాత్రి మరోసారి భారీ పేలుడు సంభవించింది. పంజాబ్‌లోని అమృత్‌సర్‌లోని గోల్డెన్ టెంపుల్ సమీపంలో అర్థరాత్రి మరో పేలుడు సంభవించింది. శ్రీ హరిమందిర్ సాహిబ్ సమీపంలోని హెరిటేజ్ స్ట్రీట్‌లో వరుసగా మూడు పేలుళ్లకు పాల్పడిన ఐదుగురు నిందితులను పోలీసులు గురువారం అరెస్టు చేశారు. గత ఐదు రోజులుగా నిందితుల కోసం పోలీసులు తీవ్రంగా ప్రయత్నిస్తున్నారు.
Explosion heard near Golden Temple in Amritsar, 3rd in a week; 5 arrested
పంజాబ్‌(Punjab)లోని అమృత్సర్(Amritsar)లో బుధవారం అర్ధరాత్రి మరోసారి భారీ పేలుడు(Blast) సంభవించింది. పంజాబ్‌లోని అమృత్‌సర్‌లోని గోల్డెన్ టెంపుల్(Goledn Temple) సమీపంలో అర్థరాత్రి మరో పేలుడు సంభవించింది. శ్రీ హరిమందిర్ సాహిబ్(Sri Harimandir Sahib) సమీపంలోని హెరిటేజ్ స్ట్రీట్‌(Heritage Sreet)లో వరుసగా మూడు పేలుళ్లకు పాల్పడిన ఐదుగురు నిందితులను పోలీసులు గురువారం అరెస్టు చేశారు. గత ఐదు రోజులుగా నిందితుల కోసం పోలీసులు తీవ్రంగా ప్రయత్నిస్తున్నారు. బుధవారం అర్ధరాత్రి జరిగిన మూడో పేలుడు తర్వాత ఐదుగురు నిందితులను అదుపులోకి తీసుకున్న పోలీసులు విచారణ ప్రారంభించారు. అమృత్సర్ పేలుళ్లకు కుట్ర పన్నిన ఐదుగురు కుట్రదారులను అరెస్టు చేసినట్లు పంజాబ్‌ పోలీసు(Punjab Police) వర్గాలు తెలిపాయి.
త్వరలో పోలీసులు మీడియా సమావేశం ఏర్పాటు చేయనున్నారు. ఈ మొత్తం వ్యవహారంపై గురువారం మధ్యాహ్నం అమృత్సర్ చేరుకున్న తర్వాత డీజీపీ(DGP) విలేకరుల సమావేశం నిర్వహించనున్నారు. శ్రీ హరిమందిర్ సాహిబ్ సమీపంలో బుధవారం అర్ధరాత్రి జరిగిన పేలుడు ఘటనలో కొత్తగా పెళ్లయిన జంట సహా ఐదుగురిని పోలీసులు అరెస్టు చేశారు. ఈ జంటకు గురుదాస్పూర్(Gurudas Pur)కు చెందిన వారుగా చెబుతున్నారు. అరెస్టయిన ఐదుగురు నిందితుల వద్ద నుంచి పేలుడు పదార్థాలను స్వాధీనం చేసుకున్నారు. శాంతిభద్రతలకు విఘాతం కలిగించడమే పేలుడు వెనుక ఉద్దేశంగా తెలుస్తోంది. బాణాసంచా తయారీలో ఉపయోగించే పేలుడు పదార్థాలను పేలుడుకు ఉపయోగించిన‌ట్లు సమాచారం.
నిందితులు కారిడార్ ఆవరణలో 12:12 గంటలకు శ్రీ గురు రామ్ దాస్ సరాయ్(Shri Guru Ramdas Ji Niwas) టాయిలెట్ నుండి పేలుడు పదార్థాన్ని విసిరారు. పేలుడు పదార్థం నేలపై పడగానే ఒక్కసారిగా పేలుడు సంభవించింది. పేలుడు శబ్దం విన్న సమీపంలోని దుకాణదారులు వెంటనే పోలీసులకు సమాచారం అందించగా.. కొద్దిసేపటికే పోలీసు ఉన్నతాధికారులు ఘటనా స్థలానికి చేరుకున్నారు. వెంటనే విచారణ ప్రారంభించారు. పోలీసులు సత్రంలోని రూం నంబర్ 225 నుంచి కొత్తగా పెళ్లయిన జంటను అదుపులోకి తీసుకున్నారు. ప్రాథమిక విచారణలోనే పేలుళ్లకు సంబంధించిన మొత్తం విషయాన్ని కొత్తగా పెళ్లయిన జంట ఒప్పుకుంద‌ని ఓ పోలీసు అధికారి తెలిపారు. ఆ తర్వాత వారికి సహకరించిన మరో ముగ్గురిని పోలీసులు అదుపులోకి తీసుకున్నారు. వారి వద్ద నుంచి రెండు బ్యాగులు స్వాధీనం చేసుకున్నారు.
నిందితుల్లో ఒకరు దుగ్రీ గురుదాస్పూర్ గ్రామానికి చెందిన అమ్రిక్ సింగ్‌(Amrik Singh)గా గుర్తించారు. నిందితుడు సత్రంలో గది తీసుకున్నప్పుడు సమర్పించిన ఆధార్ కార్డు ద్వారా గుర్తించిన‌ట్లు పోలీసులు పేర్కొన్నారు. బుధవారం అర్ధరాత్రి శ్రీ హర్‌మందిర్‌ సాహిబ్ సమీపంలో మరోసారి భారీ పేలుడు సంభవించింది. పేలుడు స్థలం మొదటి పేలుడు ప్రదేశానికి దాదాపు 1:45 కి.మీ దూరంలో ఉంది.
