Election commission : లోక్‎సభ ఎన్నికలు ఎప్పుడో తెలుసా.. క్లారిటీ ఇచ్చిన ఎలక్షన్ కమిషన్

లోక్‎సభ ఎన్నికలకు(Lok Sabha Elections) కొన్ని నెలల సమయం మాత్రమే ఉంది. పార్లమెంట్ ఎన్నికలతోపాటు కొన్ని రాష్ట్రాల అసెంబ్లీ ఎన్నికలు(Assembly elections) జరుగనున్నాయి. కాగా.. ఏప్రిల్ 16 నుంచి లోక్‎సభ ఎన్నికలు అంటూ సోషల్ మీడియాలో(Social media) వైరల్ అవుతుంది. దీంతో రకరకాల ఊహాగానాలు మొదలయ్యాయి. వివిధ ఎన్నికల సంబంధిత అధికారులను ఉద్దేశించి, 2024 లోక్‌సభ ఎన్నికలు ఏప్రిల్ 16 నుండి ప్రారంభమవుతాయని లేఖలో తెలిపారు. ఈ వైరల్ నోటిఫికేషన్‌లో.. ఈ తేదీని దృష్టిలో ఉంచుకుని ఇతర విషయాలను ప్లాన్ చేయాలని సంబంధిత అధికారులకు సూచించారు. కాగా.. తాజాగా ఎన్నికల సంఘం(Election Commission) ఈ అంశంపై క్లారిటీ ఇచ్చింది. 2024 ఏప్రిల్​ 16న లోక్‎సభ ఎన్నికలు అంటూ తాము ఇచ్చిన తేదీ తాత్కాలికేమనని వెల్లడించింది. ఎన్నికలకు సంబంధించి ముందస్తు కార్యకలాపాలను పూర్తి చేసేందుకు ఆ తేదీని ఓ లక్ష్యంగా పెట్టుకున్నామని వివరించింది. ఆ తేదీ లోపు ఎన్నికల ప్రణాళికల ప్రకారం పనులన్నీ పూర్తి చేయాలన్నది తమ లక్ష్యమని సీఈవో కార్యాలయం పేర్కొంది. ఈ మేరకు సంబంధిత వర్గాలకు ఈ నెల 19న అధికారిక లేఖను జారీ చేశామని వెల్లడించింది. ఈ మేరకు సోషల్​ మీడియాలో ప్రకటన చేసింది. మరోవైపు.. ఎన్నికల తేదీలపై కూడా చర్చలు జరుపుతున్నారని.. సరైన సమయంలో కేంద్ర ఎన్నికల సంఘం షెడ్యూల్ ను ప్రకటిస్తుందని సీఈవో కార్యాలయం తెలిపింది. ఈ క్లారిటీతో ఎన్నికల తేదీకి సంబంధించి సోషల్ మీడియాలో జరుగుతున్న చర్చకు తెరపడుతుందని కమిషన్ ఆశాభావం వ్యక్తం చేసింది.