Delhi Liquor Scam : సీఎం కేజ్రీవాల్‌కు ఈడీ సమన్లు
లిక్కర్‌ పాలసీ స్కామ్‌ కేసులో ఢిల్లీ సీఎం, ఆమ్ ఆద్మీ పార్టీ జాతీయ కన్వీనర్ అరవింద్ కేజ్రీవాల్‌కు ఎన్‌ఫోర్స్‌మెంట్ డైరెక్టరేట్ (ఈడీ) సమన్లు పంపింది. ఈ కేసులో నవంబర్ 2న అరవింద్ కేజ్రీవాల్‌ను ఈడీ విచారణకు పిలిచింది.
ED summons CM Arvind Kejriwal on November 2 for questioning in excise policy case
లిక్కర్‌ పాలసీ స్కామ్‌ కేసు(Delhi Liquor Scam)లో ఢిల్లీ సీఎం, ఆమ్ ఆద్మీ పార్టీ(Aam Admi Party) జాతీయ కన్వీనర్ అరవింద్ కేజ్రీవాల్(CM Arvind Kejriwal)కు ఎన్‌ఫోర్స్‌మెంట్ డైరెక్టరేట్ (Enforcement Directorate) సమన్లు పంపింది. ఈ కేసులో నవంబర్ 2న అరవింద్ కేజ్రీవాల్‌ను ఈడీ(ED) విచారణకు పిలిచింది. మనీలాండరింగ్(Money Laundering) నిరోధక చట్టం (పీఎంఎల్‌ఏ) కింద అరవింద్ కేజ్రీవాల్‌కు సమన్లు జారీ అయ్యాయి. కేసు దర్యాప్తు అధికారి ముందు హాజరైన తర్వాత.. ఈడీ ముఖ్యమంత్రి కేజ్రీవాల్ వాంగ్మూలాన్ని నమోదు చేస్తుంది. గతేడాది ఆగస్టులో సీబీఐ(CBI) దాఖలు చేసిన ఎఫ్‌ఐఆర్‌లో కేజ్రీవాల్‌ను నిందితుడిగా పేర్కొనలేదు.
ఈ కేసులో అవినీతి, నేరపూరిత కుట్ర విచారణకు సంబంధించి కేజ్రీవాల్‌ను సీబీఐ తొమ్మిది గంటలకు పైగా ప్రశ్నించింది. "ఉదయం 11 గంటలకు నన్ను పిలిచారు. వారు రాత్రి 8.30 గంటల వరకు నన్ను ప్రశ్నించారు. వారు నన్ను సుహృద్భావ వాతావరణంలో ప్రశ్నించారు. సీబీఐ అధికారులు వారి ఆతిథ్యం, మర్యాదకు ధన్యవాదాలు చెప్పాలనుకుంటున్నాను. నేను దాచడానికి ఏమీ లేనందున నేను అన్ని ప్రశ్నలకు సమాధానమిచ్చాను." సీబీఐ కార్యాలయం నుంచి తిరిగి వచ్చిన తర్వాత కేజ్రీవాల్ ఈ వ్యాఖ్యలు చేశారు. ఢిల్లీ మాజీ డిప్యూటీ సీఎం మనీష్ సిసోడియా(Manish Sisodia) బెయిల్ పిటిషన్‌(Bail Petition)ను సుప్రీంకోర్టు(Supreme Court) సోమ‌వారం కొట్టివేసింది. అదే రోజే ఆప్ అధినేత కేజ్రీవాల్‌కు సమన్లు రావడం గమనార్హం.
