Enforcement Directorate : సీఎంకు చివరి అవకాశంగా నోటీసులు జారీ చేసిన ఈడీ
ముఖ్యమంత్రి హేమంత్ సోరెన్‌కు ఈడీ శుక్రవారం చివరి నోటీసు (సమన్లు) జారీ చేసింది. ఈ నోటీసులో PMLA సెక్షన్ 50 కింద మీ స్టేట్‌మెంట్‌ను రికార్డ్ చేయడానికి ఈసారి మీకు చివరి అవకాశం ఇస్తున్నట్లు ED పేర్కొంది.
ED issues fresh summons to Jharkhand CM Hemant Soren
Jharkhand ముఖ్యమంత్రి హేమంత్ సోరెన్‌(CM Hemant Soren) కు ఈడీ(Enforcement Directorate) శుక్రవారం చివరి నోటీసు (Notice) జారీ చేసింది. ఈ నోటీసులో PMLA సెక్షన్ 50 కింద మీ స్టేట్‌మెంట్‌(Statement)ను రికార్డ్ చేయడానికి ఈసారి మీకు చివరి అవకాశం ఇస్తున్నట్లు ED పేర్కొంది. ఈసారి వాంగ్మూలం నమోదు చేసేందుకు సమయం, తేదీ, స్థలం ఇచ్చే వెసులుబాటును ఈడీ ముఖ్యమంత్రికి కల్పించింది. అంటే ED అధికారులే వచ్చి ఆయ‌న చెప్పిన నిర్దేశిత స్థలం(Place), సమయం(Time), తేదీ(Date)కి ఆయ‌న‌ను విచారిస్తారు.
ఇందుకు సంబంధించి ఈడీ కార్యాలయానికి లిఖితపూర్వకంగా తెలియజేయాలని హేమంత్ సోరెన్‌కు ఈడీ రెండు రోజుల సమయం ఇచ్చింది. హేమంత్ సోరెన్‌ ఉద్దేశపూర్వకంగానే ఈ కేసు దర్యాప్తు నుంచి తప్పించుకుంటున్నారని.. ఈడీ జారీ చేసిన సమన్లను విస్మరిస్తున్నారని ఈడీ నోటీసులో రాసింది. తాము జారీ చేసిన సమన్లను ఉద్దేశపూర్వకంగా విస్మరిస్తే.. PMLA చట్టంలోని సెక్షన్ కింద ఈ విషయంలో తగిన చర్య తీసుకునే హక్కు EDకి ఉందని హెచ్చ‌రించింది. ఏడు రోజుల్లో విచారణ నిర్వహించాలని.. ఏజెన్సీ సమన్లు ఏవీ హానికరమైనవి లేదా రాజకీయ ప్రేరేపితమైనవి కావు అని కూడా ED పేర్కొంది. ఈ కేసులో హేమంత్ సోరెన్‌కు ఈడీ ఇప్పటి వరకు ఆరుసార్లు సమన్లు జారీ చేసింది.
బద్గై సర్కిల్‌కు చెందిన అరెస్టయిన జోనల్ సబ్-ఇన్‌స్పెక్టర్ భాను ప్రతాప్ ప్రసాద్ ఇంటిపై దాడి చేసిన సమయంలో ED అనేక ముఖ్యమైన భూమి పత్రాలను కనుగొన్నట్లు.. ఆ తర్వాత ఈడీ ECIR (RNZO 25/2023) దాఖలు చేసిందని హేమంత్ సోరెన్‌కు పంపిన నోటీసులో ED రాసింది. ఈసీఐఆర్‌లో ప్రభుత్వ పత్రాల ట్యాంపరింగ్ కేసు నమోదైందని.. ఈ విషయంలో మిమ్మల్ని విచారించాల్సిన అవసరం ఉందని ఈడీ నోటీసులో రాసింది.
