Alphonse Putren : విజయకాంత్‌ను హత్య చేశారు... ప్రేమమ్‌ దర్శకుడి సంచలన ఆరోపణ

తమిళ హీరో, రాజకీయ నాయకుడు విజయకాంత్‌(Vijaykanth) అనారోగ్యంతో మరణించలేదా? ఆయనను హత్య(Murder) చేశారా? ఇలాంటి అనుమానాన్ని వ్యక్తపరుస్తున్నారు ఓ స్టార్‌ డైరెక్టర్‌. మలయాళంలో ప్రేమమ్‌(Premam), గోల్డ్‌(Gold) వంటి సినిమాలతో మంచిగుర్తింపు తెచ్చుకున్న అల్ఫోన్స్‌ పుత్రెన్‌(Alphonse Putren) తాజాగా విజయకాంత్‌ మృతిపై ఇన్‌స్టాగ్రామ్‌లో(Instagram) ఓ షాకింగ్‌ పోస్ట్‌ పెట్టాడు. విజయకాంత్‌ను హత్య చేశారని, ఈ హత్య ఎవరు చేశారన్నది కనిపెట్టకపోతే మాత్రం తర్వాత మీ తండ్రి స్టాలిన్‌(Stalin), అలాగే మిమ్మల్ని కూడా వాళ్లు టార్గెట్ చేసే అవకాశం ఉందని రాశాడు. ఈ పోస్ట్‌ ఉదయనిధి స్టాలిన్‌కు(Udayanidhi stalin) రాసినట్టు అర్థం చేసుకోవాలి. 'కరుణానిధి, జయలలితలను హత్య చేసింది ఎవరో కనిపెట్టాలని మిమ్మల్ని అడిగాను. ఇప్పుడు మీరు కెప్టెన్‌ విజయకాంత్‌ను ఎవరు హత్య చేశారో కూడా కనిపెట్టాలి. ఈ విషయాలను మీరు లైట్‌ తీసుకుంటారేమో! ఇప్పటికే స్టాలిన్‌ సార్‌పై, ఇండియన్‌ -2 సెట్స్‌లో కమలహాసన్‌పై హత్యా ప్రయత్నం జరిగింది. ఒకవేళ హంతకులను పట్టుకునే ప్రయత్నం చేయకపోతే మిమ్మల్ని కూడా టార్గెట్ చేస్తారు' అని ఇన్‌స్టాలో అల్ఫోన్స్‌ రాశాడు. అల్ఫోన్స్ ఎందుకు ఇలా రాశారో, ఆయన చెప్పదల్చుకుంటున్నదేమిటో అర్థం కావడం లేదు.