Arvind Kejriwal : కేజ్రీవాల్‌కు ఎదురుదెబ్బ... బెయిల్‌ ఉత్తర్వులపై స్టే

మద్యం విధానానికి (Delhi Excise Scam Case) సంబంధించిన మనీలాండరింగ్‌ కేసులో(Money Laundring Case) అరెస్టయిన ఢిల్లీ ముఖ్యమంత్రి అరవింద్‌ కేజ్రీవాల్‌కు(Arvindh Kejriwal) ఢిల్లీ హైకోర్టు(Delhi high court) షాకిచ్చింది. ఈ కేసులో కేజ్రీవాల్‌కు సాధారణ బెయిల్‌(Bail) మంజూరుచేస్తూ ట్రయల్‌ కోర్టు ఇచ్చిన ఉత్తర్వులను ఢిల్లీ హైకోర్టు నిలిపివేసింది. కేజ్రీవాల్‌ బెయిల్‌ను వ్యతిరేకిస్తూ ఈడీ పిటిషన్‌ వేసిన నేపథ్యంలో న్యాయస్థానం ఈ ఆదేశాలిచ్చింది. గురువారం సాయంత్రం కేజ్రీవాల్‌కు రెగ్యులర్‌ బెయిల్‌ లభించింది. లక్ష రూపాయల వ్యక్తిగత బాండు సమర్పించిన తర్వాత ఆయన్ని విడుదల చేయవచ్చని న్యాయమూర్తి ఆదేశించారు. ఈ తీర్పుపై పైకోర్టులో అప్పీలు దాఖలు చేయడానికి వీలుగా దానిని 48 గంటలపాటు పక్కనపెట్టాలని ఈడీ (ED) చేసిన వినతిని ట్రయల్‌ కోర్టు తిరస్కరించింది. ఈ క్రమంలోనే ఇవాళ కేజ్రీవాల్‌ జైలు నుంచి విడుదల అవ్వాల్సి ఉండింది. కానీ ఈడీ హైకోర్టును ఆశ్రయించడంతో సీన్‌ రివర్స్‌ అయ్యింది.