Road like Hema Malini's cheeks:రోడ్లను హేమామాలిని బుగ్గల్లా చేస్తా....ఇంకో రాజకీయ నాయకుడి ప్రేలాపన

ఒకప్పటి డ్రీమ్ గర్ల్, ప్రస్తుత లోక్ సభ సభ్యురాలు హేమా మాలిని పై ఆమ్ ఆద్మీ పార్టీకి చెందిన ఎమ్మెల్యే నరేష్ బల్యాన్ వివాదాస్పద వ్యాఖ్యలు చేశారు. ఉత్తమ్ నగర్ రోడ్లను హేమా మాలిని బుగ్గల్లా నున్నగా చేస్తానని కామెంట్ చేశాడు. నరేష్ బల్యాన్ చేసిన వ్యాఖ్యలు ప్రస్తుతం దుమారం రేపుతున్నాయి. బీజేపీ నేతలు అయితే విరుచుకు పడుతున్నారు. ఆప్ ఎమ్మెల్యే వ్యాఖ్యలు మహిళలను అగౌరపరిచేలా ఉన్నాయని, సమాజాన్ని అవమానించేలా ఉన్నాయని మండి పడుతున్నారు. ఈయనపై వెంటనే చర్యలు తీసుకోవాలని కేజ్రీవాల్ ను డిమాండ్ చేస్తున్నారు. హేమామాలిని పై ఇలాంటి వ్యాఖ్యలు కొత్తేమీ కాదు. లాలు ప్రసాద్ యాదవ్ కూడా అప్పుడెప్పుడో ఇలాగే అన్నారు. మహారాష్ట్ర కు చెందిన ఒక మంత్రి కూడా ఇలాంటి వ్యాఖ్యలే చేశారు.