Tharakkal Temple Festivals : జాతరలో మదగజాల పోరు.. పలువురికి గాయాలు

కేరళలోని(Kerala) త్రిస్సూర్‌(Thrissur) జిల్లాలో తరక్కల్‌ ఆలయ ఉత్సవాలు(Tarakkal Temple Festivals) ఘనంగా ముగిశాయి. ముగింపు జాతర శుక్రవారం రాత్రి జరిగింది. ముగింపు సమయంలో ఏనుగుపై(Elephant) అమ్మవారిని ఊరేగించారు. ఆ ఏనుగుకు ఏమైందో ఏమోకానీ ఒక్కసారిగా అలజడి సృష్టించింది. తనను అదుపు చేసే మావటిపైనే మూడుసార్లు దాడికి దిగింది. అదృష్టం బాగుండబట్టి స్వల్ప గాయలతో ఆయన బయటపడ్డాడు. అక్కడిదో ఆ మత్తేభము శాంతించలేదు. అక్కడే ఊరేగింపు కోసం తీసుకొచ్చిన మరో ఏనుగుపై దాడికి దిగింది. రెండు ఏనుగులు యుద్ధానికి దిగాయి. దాంతో అక్కడ పరిస్థితి భీతావహంగా మారింది. ఆ ఏనుగుల మీద ఉన్నవారు కిందపడ్డారు. ఏనుగుల పోరును చూసి భయపడ్డ జనం ఉరుకులు పరుగులు తీశారు. ఈ హడావుడిలో కొందరు కిందపడి దెబ్బలు తగిలించుకున్నారు. మావటివాళ్లు అతికష్టంమీద మొదటి ఏనుగును కంట్రోల్ చేయగలిగారు. గాయపడినవారని దగ్గరలో ఆసుపత్రికి తీసుకెళ్లి చికిత్స అందించారు.