No Rain Vilage : వర్షం అంటే ఏంటో కూడా తెలియని గ్రామం.. ఎక్కడుందో తెలుసా..?

భూమి అంటేనే వింతలు విచిత్రాల నెలవు.. ఆకాశంలో అంతకంటే ఎక్కువ ఉంటాయి. కాని భూమి మీద మనం చూడగలిగే వింతలు విడ్డూరాలకు కొదవ లేదు. భూమి అనేక అద్భుతాలతో నిండి ఉంది. ఈ ప్రపంచంలో మనల్ని ఆశ్చర్యపరిచే ఎన్నో వింతలు ఉన్నాయి. ఆ విధంగా మనం ఓ అద్భుత గ్రామం గురించి చూడబోతున్నాం.

ఈ గ్రామం ప్రత్యేకత ఉందంటే. ఈ గ్రామంలో ఎప్పుడూ వర్షాలు(Rains) పడవు.. అసలు వర్షం అంటే ఏంటో ఈ గ్రామం చూడలేదు. వింటానికి విచిత్రంగా.. నమ్మడానికి వీల్లేని విషయమే అయినా.. ఇది నిజం ఈ గ్రామంలో ఎప్పుడూ వర్షాలు పడవు. మన దేశంలోని మేఘాలయ(Meghalaya) రాష్ట్రంలోని మావ్సిన్రామ్(Mawsynram) గ్రామం ప్రపంచంలోనే అత్యధిక వర్షపాతం నమోదవుతుంది. అలాగే ఇప్పుడు చెప్పుకోబోయే ఊరిలో అసలు ఇంత వరకూ వర్షం పనడలేదు.

అలా అని అది ఏ ఏడారి ప్రాంతమో అనుకుంటే పప్పులో కాలు వేసినట్టే..? ఈ గ్రామం యెమెన్(Yemen) రాజధాని సనాలో(Sana) ఉంది. అల్-హుదైబ్ సనాకు పశ్చిమాన మనక్ హరాజ్‌లోని ఒక గ్రామం. ఇక్కడ ఒక్క చుక్క వర్షం కూడా పడలేదన్నారు. అయితే ఈ గ్రామాన్ని చాలా మంది పర్యాటకులు సందర్శిస్తున్నారు. అదే వారికి జీవనాధారం అయ్యింది.గ్రామంలో కొండ ప్రాంతంలో చాలా అందమైన ఇళ్లు అందరిని ఆకర్షిస్తున్నాయి. దాంతో ఈ ఊరు చూసేందుకు ఇక్కడికి పర్యాటకుల తాకిడి పెరుగుతోందని చెబుతున్నారు.

అల్-హుదైబ్( Al -hutaib) గ్రామం భూమి యొక్క ఉపరితలం నుండి 3,200 మీటర్ల ఎత్తులో ఉంది. ఈ గ్రామం మేఘాల పైన ఉండడం వల్ల ఇక్కడ వర్షాలు కురవకపోవడమే కారణమని చెబుతారు. వర్షాభావ పరిస్థితుల కారణంగా ఈ ప్రాంతం ఎండిపోయింది.ఈ గ్రామంలో పురాతన మరియు ఆధునిక శిల్పకళను చూడవచ్చని పర్యాటకులు నివేదిస్తున్నారు. ఈ ప్రదేశాన్ని అల్-బోహ్రా లేదా అల్-ముక్రమ విలేజ్ అని కూడా అంటారు. నివేదికల ప్రకారం, యెమెన్ సమాజానికి చెందిన ప్రజలు తమ నివాసం కోసం ఈ స్థలాన్ని ఎంచుకున్నారు.