Indian Constitution Copies : రాజ్యాంగ ప్రతులలో సెక్యులర్‌, సోషలిస్ట్ పదాలు మాయం!

పాత పార్లమెంట్‌కు వీడ్కోలు పలికి కొత్త పార్లమెంట్‌ భవనంలోకి సభ్యులంతా అడుగుపెట్టారు. ఈ సందర్భంగా ఎంపీల చేతికి భారత రాజ్యాంగ ప్రతులను(Indian Constitution Copies) అందించారు. మరి కేంద్ర ప్రభుత్వం ఉద్దేశపూర్వకంగా చేసిందో, పొరపాటు దొర్లిందో తెలియదు కానీ భారత రాజ్యాంగం ముందుమాటలో సెక్యూలర్‌(Secular), సోషలిస్టు(Socialist) అనే పదాలు లేవు. ఈ విషయాన్నే కాంగ్రెస్‌(Congress) నేత అధిర్‌ రంజన్‌ చౌదరి(Adhir Ranjan Chouehadhary) ఎత్తి చూపారు. తీవ్ర అభ్యంతరం వ్యక్తం చేశారు. తమకు ఇచ్చిన రాజ్యాంగ ప్రతుల్లోని పీఠికలో పొరపాట్లు ఉన్నాయన్నాని చెబుతూ రాజ్యాంగ ప్రతుల ప్రవేశికలో సెక్యులర్‌, సోషలిస్ట్‌ అన్న పదాలు ముద్రించలేదన్నారు. ఆ పదాలు రాజ్యాంగ పుస్తకంలో అంతకు ముందు లేవని 1976లో రాజ్యాంగ సవరణ తరవాతే ఆ పదాలను రాజ్యాంగ ప్రవేశికలో పొందుపరిచారన్న విషయం తనకు తెలుసని, కానీ ఇప్పుడు ఎవరైనా మన చేతికి రాజ్యాంగం అందించి అందులో ఈ పదాలు కనిపించకపోతే ఆందోళన చెందాల్సిందేనని అధిర్‌ రంజన్‌ చౌదరి అన్నారు.