Delhi Liquor Case : కేజ్రీవాల్ అరెస్టుకు నిరసనగా 7న దేశవ్యాప్త సామూహిక నిరాహార దీక్షలు
ముఖ్యమంత్రి అరవింద్ కేజ్రీవాల్ ప్రస్తుతం తీహార్ జైలులో ఉన్నారు. కోర్టు ఆయ‌న‌ను 15 రోజుల జ్యుడీషియల్ కస్టడీ నిమిత్తం తీహార్ జైలుకు పంపింది.
AAP To Hold Mass Fast On April 7 To Protest Against Arvind Kejriwal’s Arrest
ముఖ్యమంత్రి అరవింద్ కేజ్రీవాల్ ప్రస్తుతం తీహార్ జైలులో ఉన్నారు. కోర్టు ఆయ‌న‌ను 15 రోజుల జ్యుడీషియల్ కస్టడీ నిమిత్తం తీహార్ జైలుకు పంపింది. ముఖ్యమంత్రి అరవింద్ కేజ్రీవాల్‌ను మద్యం కుంభకోణానికి సంబంధించిన మనీలాండరింగ్ కేసులో మార్చి 21న ఈడీ అరెస్టు చేసింది. కేజ్రీవాల్ అరెస్టుకు నిరసనగా ఆమ్ ఆద్మీ పార్టీ భారీ నిరాహార దీక్షను ప్రకటించింది.
అరవింద్ కేజ్రీవాల్ అరెస్టుకు నిరసనగా ఏప్రిల్ 7న దేశవ్యాప్తంగా సామూహిక నిరాహార దీక్షలు చేపడతామని ఆప్ నేత గోపాల్ రాయ్ తెలిపారు. మంత్రులు, ఎమ్మెల్యేలు, ఎంపీలు, ఆప్ పార్టీ నేతలందరూ ఏప్రిల్ 7న జంతర్ మంతర్ వద్ద సామూహిక నిరాహార దీక్షలు చేస్తారని వెల్ల‌డించారు.
సీఎం అరవింద్ కేజ్రీవాల్ పిటిషన్‌పై నేడు హైకోర్టులో విచారణ జరగనుంది. మద్యం కుంభకోణానికి సంబంధించిన మనీలాండరింగ్ కేసులో తన అరెస్టును వ్యతిరేకిస్తూ కేజ్రీవాల్ పిటిషన్ దాఖలు చేశారు. దీంతో హైకోర్టు ఈడీని సమాధానం కోరింది. ఎన్‌ఫోర్స్‌మెంట్ డైరెక్టరేట్ (ఈడీ) మంగళవారం తన సమాధానాన్ని సమర్పించింది.
