6 Indian places : మన దేశంలో కొన్ని ప్రాంతాల్లో పర్యటించాలంటే అనుమతులు తప్పనిసరి..!

విదేశాలకు వెళ్ళేటప్పుడు వీసా గురించి చర్చిస్తాం, కానీ భారతదేశంలోని పలు రాష్ట్రాల్లోకి వెళ్లేందుకు పర్మిట్ అవసరమయ్యే అనేక ప్రదేశాలు ఉన్నాయని తెలుసా. భారతదేశంలో కొన్ని ప్రదేశాలకు వెళ్ళడానికి అంతర్గత పాస్ అవసరం. ఇన్నర్ లైన్ పాస్ అనేది ఎంట్రీ పర్మిట్ డాక్యుమెంట్, ఇది ఆ ప్రదేశాలలో నిర్దిష్ట రోజుల పాటు ఉండటానికి అనుమతిస్తారు. ఇవి సాధారణంగా చాలా సున్నితమైన ప్రదేశాలు. మరి భారతదేశంలోని అలాంటి కొన్ని ప్రదేశాల గురించి తెలుసుకుందాం.

నాగాలాండ్

నాగాలాండ్‌లోకి ప్రవేశించడానికి ఇన్నర్ లైన్ పర్మిట్ కూడా అవసరం. ఆ తర్వాతే అక్కడ పర్యటించగలుగుతారు. నాగాలాండ్ భారతదేశంలోని ఈశాన్యంలో ఉన్న ఒక అందమైన రాష్ట్రం, ఇది సంస్కృతికి ప్రసిద్ధి చెందింది. నాగాలాండ్ లోని హార్న్ బిల్ ఫెస్టివల్ చాలా ప్రసిద్ధి చెందింది, ఇది ప్రతి సంవత్సరం డిసెంబర్‌లో జరుగుతుంది. నాగాలాండ్‌లోని కిఫిరె, కోహిమా, మోకోక్‌చుంగ్, దిమాపూర్, మోన్ వంటి ప్రదేశాలను సందర్శించడానికి అనుమతి అవసరం.

అరుణాచల్ ప్రదేశ్

అరుణాచల్ ప్రదేశ్ భారతదేశంలోని ఈశాన్య రాష్ట్రం. అరుణాచల్‌ ప్రదేశ్‌లో సందర్శించడానికి ఇన్నర్ లైన్ పర్మిట్ అవసరం. ఈ రాష్ట్రం దాని సహజ సౌందర్యం, వన్యప్రాణులు, సంస్కృతికి ప్రసిద్ధి చెందింది.

మణిపూర్

మణిపూర్‌లోని ఇంఫాల్ లోయ వెలుపల ప్రయాణించడానికి ఇన్నర్ లైన్ పర్మిట్ అవసరం. ఈ నగరం చాలా అందంగా ఉంటుంది, ఇక్కడ చూడటానికి చాలా ప్రదేశాలున్నాయి. ఇక్కడి ప్రకృతి అందాలు పర్యాటకులను ఆకర్షిస్తాయి.

లడఖ్

లడఖ్‌లో నుబ్రా వ్యాలీ, పాంగోంగ్ త్సో సరస్సు, త్సో మోరిరి వంటి కొన్ని నిషేధిత ప్రాంతాలు ఉన్నాయి, వీటిని సందర్శించడానికి ఇన్నర్ లైన్ పర్మిట్ తప్పనిసరి.

సిక్కిం

సిక్కింలోని కొన్ని ప్రాంతాలను సందర్శించడానికి ఇన్నర్ లైన్ పర్మిట్ అవసరం. ఉత్తర సిక్కింలోని గోచలా ట్రెక్, నాథులా పాస్, యుమ్తాంగ్ లోయ, సోమ్గో సరస్సు వంటి ప్రాంతాలను కవర్ చేస్తుంది. ఈ రాష్ట్రం అద్భుతమైన కొండలు, మఠాలు, సహజ సౌందర్యానికి ప్రసిద్ధి చెందింది.

అండమాన్ మరియు నికోబార్

అండమాన్ మరియు నికోబార్ దీవులలోని కొన్ని ప్రాంతాలను, ముఖ్యంగా గిరిజన ప్రాంతాలను సందర్శించడానికి కూడా అనుమతులు అవసరం. ఈ ద్వీపం బీచ్‌లు, సముద్ర జీవులకు ప్రసిద్ధి చెందింది.