Indian Student death : ఫిలిప్పీన్స్‌లో తెలంగాణ వైద్య విద్యార్ధిని అనుమానాస్పద మృతి

ఎంబీబీఎస్(MMBS) విద్య కోసం ఫిలిప్పీన్స్(Phillipines) వెళ్లి స్నిగ్ధ(Snigdha ) (17) అనే యువతి అనుమానాస్పదస్థితిలో మృతి చెందింది. పటాన్ చెరు(Patan cheruvu) మండలం ఇంద్రేశం గ్రామపంచాయతీ పరిధిలో నివాసముంటున్న చింత అమృత్ రావు కుమార్తె చింత స్నిగ్ధ (17) ఫిలిప్పీన్స్ దేశంలోని పర్పెక్చువల్ హెల్త్ యూనివర్సిటీ మనీలాలో ఎంబీబీఎస్ ద్వితీయ సంవత్సరం చదువుతోంది. అయితే స్నిగ్ధ పుట్టినరోజు నాడే అనుమానాస్పదంగా మృతిచెందినట్లు చెబుతున్నారు. శుక్రవారం తెల్లవారుజామున 3 గంటల సమయంలో స్నిగ్ధ చనిపోయినట్లు అక్కడ తోటి విద్యార్థినిలు తల్లిదండ్రులకు ఫోన్ ద్వారా సమాచారం ఇచ్చారు. విద్యార్థిని మృతి వార్తతో తల్లిదండ్రులు విషాదంలో మునిగిపోయారు