Bus fire accident: మధ్యప్రదేశ్‎లో ఘోర బస్సు ప్రమాదం..మంటల్లో 12 మంది సజీవ దహనం

మధ్యప్రదేశ్ లో ఘోర బస్సు ప్రమాదం..మంటల్లో 12 మంది సజీవ దహనం

మధ్యప్రదేశ్(MadhyaPradesh)లో ఘోర ప్రమాదం జరిగింది. గుణ(Guna) ప్రాంతంలో ఓ ప్రయివేట్ బస్సును టక్రు ఢీకొట్టిన ఘటనలో 12 మంది సజీవ దహనం (many burnt alive)అయ్యారు. మరో 14 మంది ప్రయాణికులు తీవ్రంగా గాయపడ్డారు. క్షతగాత్రులను స్థానిక ఆస్పత్రులకు తరలించి చికిత్స అందిస్తున్నారు. బుధవారం రాత్రి 8 గంటల ప్రాంతంలో ఈ ప్రమాదం జరిగినట్టు అధికారులు వెల్లడించారు. అయితే గాయపడిన కొందరి పరిస్థితి విషమంగా ఉండటంతో మరణాల సంఖ్య పెరగవచ్చని అధికారులు అంచనా వేస్తునున్నారు.

మధ్యప్రదేశ్‌లోని గుణ(MadhyPradesh Guna)లో పెను విషాదం నెలకొంది. ప్రయాణికులతో గుణ నుంచి ఆరోన్ వెళ్తున్న బస్సును డంపర్ ‎ఢీకొట్టడంతో ఒక్కసారిగా మంటలు చెలరేగాయి. ఈ మంటల్లో చిక్కుకుని 12 మంది ప్రయాణికులు సజీవదహనమయ్యారు(Burning passengers alive). తీవ్రంగా గాయపడిన మరో 10 మందిని వెంటనే స్థానిక ఆస్పత్రికి తరలించి చికిత్స అందిస్తున్నారు. గుణ జిల్లా(Guna District) సెమ్రీ(Semri) సమీపంలో రాత్రి 8:30 గంటలకు ఈ ప్రమాదం జరిగినట్టు ప్రత్యక్ష సాక్షుల కథనం. ప్రమాదం సమయంలో బస్సులో 40 మందికిపైగా ప్రయాణికులు ఉన్నట్టు తెలుస్తోంది. ఘటన జరిగిన వెంటనే అప్రమత్తమైన స్థానికులు..మంటలను ఏ మాత్రం లెక్కచేయకుండా కొందరు ప్రయాణికుల్ని రక్షించారు. తనను ఎవరో ముగురు నలుగురు బస్సు నుంచి బయటకు తీశారని బస్సులోని ప్రయాణీకుడొకడు చెప్పాడు. ఆ తరువాత బస్సులోంచి మంటలు చెలరేగడంతో ఎవరూ బయటకు రాలేకపోయినట్టు తెలిపాడు. గాయపడిన కొందరి పరిస్థితి విషమంగా మారడంతో మృతుల సంఖ్య పెరిగే అవకాశం ఉందని అంచనా వేస్తున్నారు.

ఈ ఘటన జరగడానికి కారణాలు ఏంటో తెలియరాలేదు. బస్సు ప్రమాదంపై ముఖ్యమంత్రి డాక్టర్ మోహన్ యాదవ్(Madhya Pradesh chief minister Mohan Yadav) విచారణకు ఆదేశించారు. మృతుల కుటుంబాలకు ఒక్కొక్కరికి 4 లక్షలు, గాయపడివారికి 50 వేల రూపాయలు సహాయం(exgratia)ప్రకటించారు. గాయపడిన వారికి మెరుగైన వైద్యం అందించాలని, భవిష్యత్తులో ఈ తరహా ఘటనలు జరగకుండా చూడాలని రవాణాశాఖ అధికారుల్ని ఆదేశించారు.