Virupaksha Collections : 5 రోజుల్లో భారీ వసూళ్లను రాబట్టిన విరూపాక్ష.. !

విరూపాక్ష (Virupaksha) చిత్రం బాక్సాఫీసు దగ్గర మంచి ఓపెనింగ్స్ రాబట్టింది. సాయి ధరమ్ తేజ్ (Sai Dharam Tej), సంయుక్త (Samyuktha) జంటగా నటించిన హారర్, థ్రిల్లర్ చిత్రం సక్సెస్ ఫుల్‏గా ఆడుతోంది. బాక్సాఫీసు వద్ద అద్భుతమైన రెస్పాన్స్‏ను దక్కించుకుంది. ఈ సినిమాకు సుకుమార్ దగ్గర అసిస్టెంట్‏గా వర్క్ చేసిన కార్తీక్ వర్మ దండు (Karthik Varma Dandu) దర్శకత్వం వహించారు. ఈ సినిమా ఏప్రిల్ 21న ప్రేక్షకుల ముందుకొచ్చింది. సక్సెస్ ఫుల్‏గా రన్ అవుతూ ఈ వీక్‏ను కంప్లీట్ చేసుకోబోతోంది. మొదటి రోజు 7.4 కోట్లు, రెండో రోజు 9.15 కోట్లు, మూడో రోజు 9.50 కోట్ల వసూళ్లను రాబట్టింది.

విరూపాక్ష సినిమా క్రిటిక్స్ నుంచి మొదలు పెడితే ఆడియన్స్ వరకు అందరినీ ఆకర్షించింది. ఈ చిత్రం రెండు తెలుగు రాష్ట్రాల్లో ఇప్పటి వరకు 55 కోట్లకు పైగా వసూళ్లను రాబట్టిందంటున్నారు సినీ విశ్లేషకులు. ఇక మొదటి మంగళవారం నాడు 5 కోట్ల వరకు వసూళ్ల రాబట్టడంతోపాటు చాలా ప్రాంతాల్లో 25 శాతం నుంచి 30 శాతం వరకు ఆక్యుపెన్సీని సాధించిందట ఈ చిత్రం. నాలుగు రోజుల్లోనే 24 కోట్ల డిస్ట్రిబ్యూటర్ షేర్‏ను రాబట్టి, బ్రేక్ ఈవెన్ (Break Even) దాటేసి, ఇప్పుడు భారీ లాభాలను తెచ్చిపెడుతుందని టాక్ వినిపిస్తోంది.

ఇక బాక్సాఫీస్ దగ్గర వసూళ్లతో దూసుకెళ్తున్న ఈ చిత్రాన్ని ప్యాన్ ఇండియాగా రిలీజ్ చేసేందుకు చిత్ర నిర్మాతలు ప్లాన్ చేస్తున్నారు. ఐదు భాషల్లో రిలీజ్ చేసేందుకు సన్నాహాలు చేస్తున్నారు. ఈ చిత్రాన్ని శ్రీ వెంకటేశ్వర సినీ చిత్ర (Sri Venkateswara Cine Chitra) బ్యానర్‏పై బీవీఎస్‏ఎన్ ప్రసాద్ నిర్మించగా.. కార్తీక్ వర్మ దండు దర్శకత్వం వహించారు. ఇందులో సాయి ధరమ్ తేజ్, సంయుక్త, సునీల్, రాజీవ్ కనకాల, బ్రహ్మాజీ ముఖ్యపాత్రల్లో నటించారు. అయితే ఈ చిత్రం బాలీవుడ్‏లోనూ రిలీజవుతున్న నేపథ్యంలో.. కాంతారా (kantara), కార్తికేయ2 (Karthikeya2) చిత్రాలు విజయం సాధించినంత, ఈ చిత్రం బాలీవుడ్‏పై ఎలాంటి ప్రభావం చూపిస్తుందో చూడాలి మరి.