Thalapathy Vijay : సూపర్‌స్టార్‌ సినిమా ఫస్ట్‌ షో చూసిన స్టార్‌ హీరో!
సూపర్‌స్టార్‌ రజనీకాంత్‌ నటించిన భారీ యాక్షన్‌ చిత్రం వెట్టైయాన్‌ ఇవాళ విడుదలయ్యింది.
సూపర్‌స్టార్‌ రజనీకాంత్‌ నటించిన భారీ యాక్షన్‌ చిత్రం వెట్టైయాన్‌ ఇవాళ విడుదలయ్యింది. అబౌ యావరేజ్‌ టాక్ తెచ్చుకుంది. ప్రముఖ నిర్మాణ సంస్థ లైకా ప్రొడక్షన్స్‌ బ్యానర్‌పై వచ్చిన ఈ సినిమాకు టీజీ జ్ఞానవేల్‌ దర్శకత్వం వహించాడు. జైలర్‌ తర్వాత రజనీకాంత్‌ నటించిన లాల్‌ సలామ్‌ ప్రేక్షకులను మెప్పించలేకపోయింది. దాంతో అభిమానులు వెట్టైయాన్‌పై ఆశలు పెట్టుకున్నారు. ఈ సినిమాలో అమితాబ్‌బచ్చన్‌, రానా దగ్గుబాటి కీలక పాత్రలు పోషించారు. రజనీ సినిమాను మొదటి రోజు మొదటి ఆటను చూడాలనే ఆత్రుత చాలా మందికి ఉంటుంది. అలాంటివారిలో ఓ స్టార్‌ హీరో కూడా ఉండటం విశేషం. ఇటీవల ది గోట్ సినిమాతో అభిమానులను మెప్పించిన విజయ్‌ కూడా రజనీకి పెద్ద ఫ్యాన్‌. ఆ అభిమానంతో వెట్టైయాన్‌ మొదటి షోను చూశారు. ఆయనతో పాటు ది గోట్ డైరెక్టర్ వెంకట్ ప్రభు కూడా ఉన్నారు. ఇందుకు సంబంధించిన వీడియో సోషల్ మీడియాలో వైరల్‌ అవుతోంది
