Vijay Fans: ఆ మ్యూజిక్ డైరెక్టర్ ను టార్చర్ పెట్టిన విజయ్ ఫ్యాన్స్

తమిళ సంగీత దర్శకుడు యువన్ శంకర్ రాజా.. తళపతి విజయ్ కొత్త చిత్రం.. 'ది గ్రేటెస్ట్ ఆఫ్ ఆల్ టైమ్' కోసం స్వరాలు సమకూర్చారు. ఈ చిత్రం మొదటి లిరికల్ సాంగ్ 'విజిల్ పోడు' ఇటీవల విడుదలైంది. పాట ట్యూన్, కంపోజిషన్ పట్ల అభిమానులు పూర్తిగా నిరాశ చెందారు. దీంతో సోషల్ మీడియాలో తీవ్ర విమర్శలు చేస్తున్నారు. సంగీత దర్శకుడు యువన్ శంకర్ రాజాను ట్రోల్ చేయడం ప్రారంభించారు. బూతులు తిడుతూ అతనిని లక్ష్యంగా చేసుకున్నారు.

యువన్ శంకర్ రాజా అభిమానులు కూడా విజయ్ ఫ్యాన్స్ పై విమర్శలు గుప్పిస్తూ ఉన్నారు. ఇంత గొడవ ఎందుకు అనుకున్నాడో లేక.. విజయ్ అభిమానుల టార్చర్ వద్దనుకున్నాడో కానీ యువన్ శంకర్ రాజా తన ఇన్‌స్టాగ్రామ్ ఖాతాను డీయాక్టివేట్ చేశాడు. ఈ ఘటనపై ఆయన ఏమీ స్పందించలేదు కానీ మౌనంగానే ఉన్నారు. విజయ్ భారీ హిట్స్ రేంజిలో పాటను ఆశించగా.. విజిల్ పోడు పాట రావడంతో అభిమానులు ఒక్కసారిగా షాక్ అయ్యారు. అంతేకాకుండా వారికి కోపం కూడా తెప్పించింది. అందరు సంగీత దర్శకులు ఒకేలా ఉండరని, ఒక్కొక్కరికీ ఒక్కో స్పెషాలిటీ ఉంటుందని అభిమానులు అర్థం చేసుకోవాలి. వారిని వేధిస్తే.. తాము ఏ హీరోకు ఫ్యాన్ అని చెబుతూ ఉంటామో ఆయనకు కూడా చెడ్డ పేరే. ది గ్రేటెస్ట్ ఆఫ్ ఆల్ టైమ్ సినిమాకు వెంకట్ ప్రభు దర్శకత్వం వహిస్తున్నారు. సెప్టెంబర్ 5న సినిమా విడుదల కానుంది. ఈ చిత్రంలో విజయ్ ద్విపాత్రాభినయం చేయనుండగా, మీనాక్షి చౌదరి హీరోయిన్ గా చేస్తోంది.