Trisha and Prabhas:మళ్లీ జోడికట్టనున్న ప్రభాస్‌-త్రిష!

నాలుగుపదుల వయసులోనూ నవ జవ్వనిలా అందంగా కనిపిస్తున్న త్రిష(Trisha) ఇప్పుడు వరుస సినిమాలో బిజీగా ఉన్నారు. పొన్నియన్‌ సెల్వన్‌ (Ponniyin Selvan)సినిమా తర్వాత త్రిషకు అనేక అవకాశాలు వస్తున్నాయి. పెద్ద హీరోలతో నటిస్తున్నారు త్రిష. ఇక ప్రభాస్‌(Prabhas)-త్రిష కాంబినేషన్‌ సంగతి చెప్పనే అక్కర్లేదు. వారికి హిట్‌ పెయిర్‌. ఇద్దరు కలిసి వర్షం(Varsham), బుజ్జిగాడు(Bujjigadu), పౌర్ణమి (Pournami) వంటి సినిమాలలో నటించారు. ముఖ్యంగా వర్షం సినిమాలో ప్రభాస్‌, త్రిష జోడి ప్రేక్షకులను అమితంగా ఆకట్టుకుంది. ఇప్పుడు మరోసారి ఈ జంట ప్రేక్షకులకు కనువిందు చేయడానికి సిద్ధమవుతోంది. సందీప్‌రెడ్డి వంగా(sandeep Reddy Vanga)దర్శకత్వంలో ప్రభాస్‌ స్పిరిట్‌ అనే సినిమాలో నటించబోతున్నారు. ఈ విషయం పాతదే! ఇందులో ప్రభాస్‌ పోలీసు పాత్రలో కనిపిస్తారట. ఇక ఈ సినిమాలో త్రిషను హీరోయిన్‌గా తీసుకుంటున్నారట! ఈ విషయంపై త్రిషను అప్రోచ్‌ అయితే ఆమె కూడా ఓకే చెప్పారట! దీనిపై త్వరలో అధికారిక ప్రకటన రావచ్చు. ఈ ఏడాది చివరలో సెట్స్‌ మీదకు వెళ్లనున్న స్పిరిట్‌ సినిమా ప్రభాస్‌కు మంచి పేరు తేవడం గ్యారంటీ అని ఫ్యాన్స్‌ అనుకుంటున్నారు. ఇటీవలే త్రిష బృంద అనే వెబ్‌ సిరీస్‌లో నటించారు. ఇందులో ఆమె నటనకు సర్వత్రా ప్రశంసలు లభిస్తున్నాయి.