Prabhudeva : అవును నిజమే.. ఈ వయసులో మళ్ళీ తండ్రిన‌య్యా..!

చిత్రసీమలో అద్వితీయమైన కొరియోగ్రఫీతో ప్రఖ్యాతి గాంచిన ప్రభుదేవా(Prabhu Deva) ఇంట్లో ఆనంద వాతావరణం నెలకొంది. ప్రభుదేవా నాలుగోసారి తండ్రి అయ్యాడు. తాజాగా ప్రభుదేవా ఈ వార్తను ధృవీకరించారు. ఇప్ప‌టికే ప్రభుదేవా ముగ్గురు పిల్లలకు తండ్రి. నాల్గవసారి తండ్రి అయిన తర్వాత ఆయ‌న మ‌రింత ఆనందంగా ఉన్నాడు. ఎందుకంటే లక్ష్మి(Lakshmi) ఆడ‌పిల్ల రూపంలో అతని ఇంటికి మొదటిసారి వచ్చింది. దీంతో ఆయ‌న ఆనందానికి అవ‌ధులు లేవు. అతని రెండవ భార్య హిమాని ఒక కుమార్తెకు జన్మనిచ్చింది.

ఈ వార్తను పంచుకుంటూ.. 50 ఏళ్ల ప్రభుదేవా ఇలా అన్నారు. "అవును నిజమే. ఈ వయసులో మళ్ళీ తండ్రిని అయ్యాను. చాలా హ్యాపీగా ఫీల్ అయ్యానని అన్నారు. నేను చాలా పని చేస్తున్నాను, ఓ ర‌కంగా పరుగెత్తుతున్నాను. ఇక‌పై కుటుంబంతో ఎక్కువ సమయం గడపాలని కోరుకుంటున్నందున.. తన పని భారాన్ని కూడా తగ్గించుకోనున్న‌ట్లు తెలిపాడు.

ఇండియ‌న్‌ 'మైఖేల్ జాక్సన్'గా(Indian Michael Jackson) పిలుచుకునే ప్రభుదేవా తన వ్యక్తిగత జీవితం గురించి తక్కువ మాట్లాడటానికి ఇష్టపడతాడు. 2020 సంవత్సరంలో ఆయ‌న‌ రహస్యంగా రెండవ సారి వివాహం చేసుకున్నాడు. ఈ వార్త ఎవరికీ తెలియదు. ఆ తర్వాత ఈ వార్త వెలుగులోకి వచ్చినా.. ప్రభుదేవా తన పెళ్లిపై మౌనం వహించాడు. ఆయ‌న‌ తన భార్యతో కలిసి మొదటిసారి బాలాజీని సంద‌ర్శ‌న‌కు వెళ్లిన స‌మ‌యంలో కనిపించాడు. ఈ సమయంలో ప్రభుదేవా తన భార్య చేయి పట్టుకుని కనిపించాడు. ఆ స‌మ‌యంలో ఆయ‌న‌ భార్య హిమాని(Himani) మాస్క్ ధరించి ఉంది.

ప్రభుదేవా రెండో భార్య హిమానీ సింగ్ వృత్తిరీత్యా డాక్టర్. అంతకుముందు 1995లో ర‌మ్ల‌త్‌ తో వివాహం జరిగింది. ర‌మ్ల‌త్ క్లాసికల్ డ్యాన్సర్. ముస్లిం మతానికి చెందిన ర‌మ్ల‌త్‌ ప్రభును వివాహం చేసుకోవడానికి హిందూ మతంలోకి మారింది. అయితే పెళ్లయిన 16 ఏళ్ల తర్వాత ప్రభు, ఆయన భార్య రమ్లత్ విడాకులు తీసుకున్నారు. ప్రభు, ర‌మ్ల‌త్‌కు ముగ్గురు కుమారులు ఉన్నారు.