Narayana Das Narang : మరణించినా, జీవిస్తున్న మహావ్యక్తి-నారాయణదాస్‌ నారంగ్‌
కొందరు వ్యక్తులు కనుమరుగైతే ఆ లోటు ఎప్పటికీ తీరనిది. ఒక జీవితకాలంలో, జరిగిన సుదీర్ఘకాల ప్రయాణంలో, వ్యక్తులే విశాలమైన, విస్తృతమైర వ్యవస్థలుగా వేళ్ళూనుకుని, తమవైన వెలుగులను దారంతా పరచి, తర్వాతి తరాలవారికి మార్గం సుగమం చేయడమే కాకుండా, వారి ఎదుగుదలకు ఆసరాగా, బాసటగా రూపాంతరం చెందడమే ఆ వ్యక్తుల ఘనతగా, సార్ధకతగా చరిత్ర గుర్తిస్తుంది. అటువంటి వ్యక్తే...కాదు కాదు వ్యవస్థే...సుప్రసిద్ధ నిర్మాత, ఫైనాన్షియర్‌, ఎగ్జిబిటర్‌ నారాయణదాస్‌ నారంగ్‌.
Narayana Das Narang
-
- కొందరు వ్యక్తులు కనుమరుగైతే ఆ లోటు ఎప్పటికీ తీరనిది. ఒక జీవితకాలంలో, జరిగిన సుదీర్ఘకాల ప్రయాణంలో, వ్యక్తులే విశాలమైన, విస్తృతమైర వ్యవస్థలుగా వేళ్ళూనుకుని, తమవైన వెలుగులను దారంతా పరచి, తర్వాతి తరాలవారికి మార్గం సుగమం చేయడమే కాకుండా, వారి ఎదుగుదలకు ఆసరాగా, బాసటగా రూపాంతరం చెందడమే ఆ వ్యక్తుల ఘనతగా, సార్ధకతగా చరిత్ర గుర్తిస్తుంది. అటువంటి వ్యక్తే...కాదు కాదు వ్యవస్థే...సుప్రసిద్ధ నిర్మాత, ఫైనాన్షియర్‌, ఎగ్జిబిటర్‌ నారాయణదాస్‌ నారంగ్‌.
-
- ఆయన పేరుకి సమానమైన విలువను వెతకడం చాలా కష్టసాధ్యమైనది. ఎందుకంటే ఏనాడో చిత్ర రంగంలోకి ప్రవేశించి, తాను చేసే వ్యాపారాన్ని కేవలం వ్యాపారంగానే కాకుండా, ఆత్మీయమైన కళానుభవంగా మలుచుకున్న కారణంగానే ఆయన చిత్ర పరిశ్రమలోని మహామహా అనుకున్నవాళ్ళందరికీ కూడా అత్యంత ఆప్తుడిగా, ఆంతరంగికుడిగా ఎదగ గలిగారు. ఇది నిజానికి చాలా పెద్ద విధ్య. కోటానుకోట్ల రూపాయలు ఇమిడిఉన్న ఆయన వ్యాపారంలో అనుబంధాలకి, ఆత్మీయతలకు అస్సలు తావే లేదు. ప్రతీ బంధం, ప్రతీ అనుబంధం అంతా లెక్కలమీద, గణాంకాల ఆధారంగా సాగే ఫైనాన్స్ వ్యాపారకార్యకలాపంలో లాభనష్టాల బేరీజు తప్పితే మరో కోణానికి స్థానం, స్థలం ఉండవు. కానీ, నారాయణదాస్‌ నారంగ్‌ తన జీవితకాలంలో నడిపిన ప్రక్రియలో వ్యాపారాన్ని, అనుబంధాలని విడివిడిగా మాత్రమే నడిపించి, ఎక్కడా తనదైన వ్యక్తిత్వాన్ని తక్కువ చేసుకోలేదు. అలనాటి ఎన్టీఆర్‌, ఎఎన్నాఆర్‌, కృష్ణ,శోభన్‌బాబుల తరం నుంచి మెగాస్టార్‌ చిరంజీవి వరకూ కూడా వాళ్ళవాళ్ళ కుటుంబాలతో గాఢమైన ప్రేమానురాగాలను నిలుపుకుంటూ మాత్రమే చివరి వరకూ నిలబడ్డారు.
-
- మారుతున్న తరాలతో పాటు ఆయన కూడా మారుతూ, ఆ మెలకువలను, ఆ పరిణితులను అవపోసన పట్టి మరీ అప్‌డేట్‌గా ఉండడమన్నదే నారాయణదాస్‌గారిలో ఒక గొప్ప విశేషం. చాలా సునిశితమైన పరిశీలన, అత్యంత సున్నితమైన అవగాహనతో ముందుకు సాగిన నారాయణదాస్‌గారు పోయిన రోజున సినిమా పరిశ్రమను ఎంతో ప్రేమగా పలుకరించి, ఆదుకున్న ఓ కుటుంబపెద్ద పోయినంతగా అందరూ బాధపడ్డారు. ఎందరో పోతుంటారు. ఎందరో వస్తుంటారు. కానీ నారాయణదాస్‌గారి లాటి వ్యక్తి నిష్క్రమణ మాత్రం అందరినీ కలవరపరచిన మాట వాస్తవం. ఎవరున్నా లేకపోయినా సరే చిత్రపరిశ్రమ ప్రయాణం ఆగేది కాదు. ఇవ్వాళ పోతే రేపటికి రెండు అంటారు. అంత సులభం మనిషి జీవితం. ఇలాటి వ్యావహారిక, లౌక్యప్రపంచంలో ఒక వ్యక్తి లేని లోటు పదిమందీ తలుచుకుని, విచారిస్తున్నారంటే అదీ జీవితమంటే. అదీ ఘనత అంటే.
-
- గొప్పతనాలు డబ్బుతో రావు. గట్టిగా మాట్లాడితే డబ్బుకీ, గొప్పతనాలకి సంబంధమే లేదు. పైగా డబ్బుతో లేనిపోని అపార్ధాలు, అనర్ధాలు కూడా పెద్దస్థాయిలో దొర్లుతుంటాయి. వాటికి అతీతంగా జీవితమనే ప్రయాణాన్ని అడుగడుగునా సాగించాలంటే ఆ మనిషికి ఎంతో పరిపక్వత కావాలి. ఎంతో పదునైన వ్యక్తిత్వమై ఉండాలి. అవన్నిటినీ తనలోని దాచుకున్నారు కాబట్టే నారాయణదాసుగారు మరణించి ఏడాది అవుతున్నా ఆయన అందరి జ్ఞాపకాలలో నిత్యనూతనంగా ఉన్నారు. ఎప్పటికీ ఉంటారు. తాను అమలు చేయడమే కాదు, తన పిల్లలైన సునీల్‌ నారంగ్‌, భరత్‌ నారంగ్‌కి కూడా తన లక్షణాలను, తన విధానాలను బాగా నూరిపోశారు. సునీల్‌, భరత్‌ ఇద్దరూ తండ్రి అడుగుజాడలలో నడుస్తూ, పరిశ్రమ తలలో నాలుకలా మసలుకోవడమే .......నారాయణదాసుగారికిచ్చిన, ఇస్తున్న నిజమైన, ఘనమైన నివాళి. అదెప్పటికీ ఇలాగే కొనసాగాలని ఈహా టీవి ఆశిస్తోంది. నారాయణదాస్‌గారి పవిత్రాత్మకు శ్రద్ధాంజలి ఘటిస్తోంది. " Written By : Nagendra Kumar "
Next Story
