BIGG BOSS Contestents : బిగ్‌బాస్‌ షోలో పాల్గొనే పార్టిసిపెంట్లు వీరే!

తెలుగులో ఉన్న రియాలిటీ షోలలో బిగ్‌బాస్‌కు(Bigg Boss) ప్రత్యేక స్థానం ఉంది. చాలా పాపులరైన షో కూడా ఇదే! త్వరలో బిగ్‌బాస్‌ ఏడో సీజన్‌ కూడా ప్రారంభం కానుంది. బిగ్‌బాస్‌ పై ఎవరెన్ని విమర్శలు చేసినా ప్రేక్షకులు మాత్రం ఆ షోను చూస్తూ ఉన్నారు. ఎందుకంటే సెలబ్రెఇటీలు ఏం చేసినా వినోదంగానే ఉంటుంది కాబట్టి. అసలు బిగ్‌బాస్‌ కాన్సెప్ట్‌తో షో చేయడం అన్నది నెదర్లాండ్స్‌లో మొదలయ్యింది. డచ్‌(Dutch) భాషలో బిగ్‌ బ్రదర్‌(Bigg Brother) అనే షో మొదలుపెట్టారు. సెలబ్రిటీలందరూ ఒకే చోట కనిపించేసరికి ప్రేక్షకులు బ్రహ్మరథం పట్టారు. షో విజయవంతం కావడంతో మేకర్స్‌ వెనకడుగు వేయలేదు. బిగ్‌బ్రదర్‌కు సీక్వెల్స్‌ తీసుకొచ్చారు. అవన్నీ సూపర్‌ హిట్ అయ్యాయి. ఈ క్రేజ్‌ను చూసి అమెరికాలో కూడా బిగ్‌ బ్రదర్స్‌ పేరిట షో మొదలు పెట్టారు. అక్కడ కూడా విజయవంతం అయ్యింది. నెమ్మదిగా బిగ్‌బ్రదర్స్‌ కాన్సెప్ట్ అన్ని దేశాలకు పాకింది. ఇండియాకు కూడా వచ్చింది. హిందీలో బిగ్‌బాస్‌ పేరిట షో ప్రారంభించారు. దీనికి ఊహించని స్థాయిలో ఆదరణ లభించింది. దీంతో వరుసగా 16 సీజన్లు విజయవంతంగా నడిపారు. ఓటీటీలోనూ బిగ్‌బాస్‌ షో అందుబాటులోకి తీసుకొచ్చారు. హిందీ తర్వాత బిగ్‌బాస్‌ అనేక భాషల్లో అడుగుపెట్టింది. తెలుగు, తమిళం, మలయాళం, కన్నడ, బెంగాలీ, మరాఠీ భాషలలో విజయవంతంగా కొనసాగుతోంది. తెలుగులో ఇప్పటి వరకు ఆరు సీజన్లు వచ్చాయన్న విషయం తెలిసిందే.! ఓటీటీలో కూడా బిగ్‌బాస్‌ నాన్‌స్టాప్‌ ప్రసారమయ్యింది. సెప్టెంబర్‌లో బిగ్‌బాస్‌ ఏడో సీజన్‌ షో గ్రాండ్‌గా లాంచ్‌ కానుంది. ఈ నేపథ్యంలో నిర్వాహకులు చాలా మంది సెలబ్రిటీలను సంప్రదించారు. ఇందులో కొందరు ఓకే చెప్పారట! మరికొందరు ఆలోచనలో ఉన్నారట! ఇక ఈసారి బిగ్‌బాస్‌ హౌస్‌లోకి వెళ్లబోయే పేర్లు సోషల్‌ మీడియాలో చక్కర్లు కొడుతున్నాయి. బుల్లితెర నటి శోభా శెట్టి, యూట్యూబర్‌, నటి శ్వేతా నాయుడు, సింగర్స్‌ సాకేత్‌, మోహన భోగరాజు, సీనియర్‌ నటుడు ప్రభాకర్‌, బుల్లితెర జంట అమర్‌దీప్‌- తేజస్విని, టిక్‌ టాక్‌ దుర్గారావు దంపతులు, సురేఖా వాణి, జర్నలిస్టు సురేశ్‌, జబర్దస్త్ బ్యూటీ వర్ష, బ్యాంకాక్ పిల్ల ఉన్నట్లు ప్రచారం జరుగుతోంది. బిగ్‌బాస్‌ షో నిర్వాహకుల నుంచి అధికారిక ప్రకటన వస్తే తప్ప ఇందులో నిజమెంతో తెలియదు.