Actress Hema: 14 రోజుల రిమాండ్ కు నటి హేమ

బెంగళూరులో రేవ్ పార్టీలో డ్రగ్స్ సేవించినట్లు నిర్ధారణ అవ్వడంతో తెలుగు నటి హేమను సోమవారం అరెస్టు చేశారు. రేవ్ పార్టీలో తాను లేనని చెప్పడం ద్వారా ఆమె మొదట్లో ఆమె కేసును తప్పుదారి పట్టించింది. అయితే తమ దగ్గర అన్ని సాక్ష్యాలు ఉన్నాయని బెంగళూరు పోలీసులు తేల్చి చెప్పారు. రేవ్ పార్టీలో డ్రగ్స్ సేవించినందుకు పాజిటివ్ అని తేలడంతో హేమకు నోటీసులు కూడా వచ్చాయి. సెంట్రల్ క్రైమ్ బ్రాంచ్ (సీసీబీ) యాంటీ నార్కోటిక్స్ వింగ్ ముందు హాజరుకావాలని ఆమెకు సమన్లు ​​అందాయి.

బెంగళూరు పోలీసులు విచారణ నిమిత్తం హాజరు కావాలంటూ హేమకు మొదట నోటీసులు జారీ చేశారు. నోటీసులు అందుకున్న హేమ తనకు వైరల్ ఫీవర్ ఉందని.. త‌న‌కు సమయం కావాలంటూ సీసీబీ పోలీసులను కోరింది. సీసీబీ కొద్ది రోజుల త‌ర్వాత మరోసారి నోటీసులు జారీ చేసింది. అప్పుడు కూడా హేమ విచారణకు హాజరు కాలేదు. మూడోసారి నోటీసులు అందుకున్న హేమ విచారణ నిమిత్తం బెంగళూరు సీసీబీ పోలీసుల ఎదుట హాజరైంది. బెంగళూరు రేవ్ పార్టీలో డ్రగ్స్ సప్లై చేసిన ఇమార్ షరీఫ్ ను పోలీసులు అరెస్టు చేశారు. నటి హేమకు అరెస్టు చేసిన పోలీసులు కోర్టు ఎదుట హాజరుపరిచారు. 14 రోజులపాటు జుడీషియల్ కస్టడీ విధించినట్లు తెలుస్తోంది. రేవ్ పార్టీ నిర్వహణలో ఆమెదే కీలకపాత్ర అని పోలీసులు భావిస్తున్నారు.