Sreeleela : బాలీవుడ్‌ హీరో సిద్ధార్థ్‌ మల్హోత్రాతో శ్రీలీల రొమాన్స్!

వరుస సినిమాలతో దూసుకుపోతున్న శ్రీలీలకు(sreeleela) సడన్‌గా స్పీడ్‌ బ్రేకర్‌ అడ్డు వచ్చింది. సినిమాలు తగ్గాయి. అప్పట్లో ప్రతి శుక్రవారానికి శ్రీలీల నటించిన ఓ సినిమా రిలీజ్‌ అయ్యేది. క్షణం తీరిక లేకుండా సినిమాలు చేసుకుంటూ పోయింది. ఇప్పుడు ఆమె డైరీ ఖాళీగా ఉంది. ధమాకా, భగవంత్‌ కేసరి సినిమాలు తప్పించి ఏదీ చెప్పుకోదగ్గ రీతిలో ఆడలేదు. అప్పటి శ్రీలీల డేట్స్‌ కోసం ఎదురుచూసిన నిర్మాతలు ఇప్పుడు మొహం చాటేస్తున్నారు. ఇప్పుడు ఆమెకు తత్వం బోధపడింది. రాశి కంటే వాసి ముఖ్యమని తెలుసుకుంది. లేటెస్ట్‌గా ఓ అగ్రహీరో సినిమాలో ఐటమ్‌ సాంగ్‌ కోసం శ్రీలీలను సంప్రదిస్తే నో చెప్పేసిందట! ప్రస్తుతం శ్రీలీల చేస్తున్న సినిమాలు ఉస్తాద్‌ భగత్‌సింగ్‌(Ustad bhagath singh), ఆర్‌టీ 75(RT75) మాత్రమే. ఇదిలా ఉంటే బాలకృష్ణ కొడుకు మోక్షజ్ఞ నటించబోయే మొదటి సినిమాలో కూడా శ్రీలీల పేరే ఎక్కువ వినిపిస్తున్నది. లేటెస్ట్‌గా బాలీవుడ్‌లో(Bollywood) సిద్దార్థ్‌ మల్హోత్ర(Siddharth Malhotra) కథానాయకుడిగా నటిస్తున్న మిట్టి(Mitti) సినిమాలో శ్రీలీల ఓ కీలక పాత్ర పోషించనుందని తెలుస్తోంది. తన పాత్ర, స్టోరీ బాగా నచ్చడంతో శ్రీలీల ఈ సినిమాకు వెంటనే అంగీకరించిందని తెలిసింది. అక్టోబర్‌లో ఈ సినిమా ప్రారంభం కానున్నది.. వీటితోపాటు తమిళంలో కూడా రెండు సినిమాలను కూడా శ్రీలీల అంగీకరించిందట!