Damini Elimination Bigg Boss 7 : ఎలిమినేట్‌ అయిన దామిని.. పద్దతి మార్చుకోని శివాజీ

బిగ్‌బాస్‌ ఏడో సీజన్‌లో(Bigg Boss Season 7) మూడో వారం కూడా ముగిసిపోయింది. మిగతా రోజుల్లో ఎలా ఉన్నప్పటికీ వారాంతంలో మాత్రం కాసింత ఫన్‌ ఉంటోంది. అలాగే ఓ హౌస్‌మేట్‌ను ఎలిమినేట్‌(Eliminate) అవ్వడం తప్పనిసరి. గత రెండు వారాల్లోలాగే ఈ వారం కూడా మరో లేడి కంటెస్టెంట్‌ వెళ్లిపోయారు. వెళుతూ వెళుతూ శివాజీతో(Shivaji) గొడవపెట్టుకుంది. శనివారం ఎపిసోడ్‌లో భాగంగా నామినేట్‌ అయిన ఏడుగురిలో యవర్‌ సేవ్‌ అయ్యాడు. ఆదివారం మాత్రం నాగార్జున ఓ పాటతో ఎంట్రీ ఇచ్చాడు. ఆదివారం ఫన్‌డే కాబట్టి వచ్చీ రావడంతో చిట్టి ప్రశ్నలు అనే గేమ్‌ పెట్టాడు నాగార్జున. ఇందులో భాగంగా రంగులు ఉన్న ఓ చక్రం ఉంటుంది. దానిపై ఉన్న బాణం ఏ రంగుపై ఆగుతుందో ఆ చీఇ నాగార్జున తీస్తాడు. అందులో ప్రశ్నకు ఎవరైతే సూట్‌ అవుతారో పేరు చెప్పాల్సి ఉంటుంది. ఇందులో భాగంగా ఆయా కంటెస్టెంట్స్‌ను అడిగిన ప్రశ్నలు, వారు చెప్పిన పేర్లు కింద ఉన్నాయి.
శోభాషెట్టి- కన్నింగ్‌ ఎవరు? - ప్రశాంత్‌
ప్రశాంత్‌-తమ ఆటకోసం ఎవరు వాడుకుంటున్నారు? - శోభాషెట్టి
దామిని-తేనెపూసిన కత్తి ఎవరు? -సందీప్‌ మాస్టర్‌
సందీప్‌-హౌస్‌లో నెగిటివిటీ స్ప్రెడ్‌ చేసేది ఎవరు? -యవర్‌
యవర్‌-వరస్ట్‌ క్వాలిటీ ఎవరిది? ఏమిటి? -రతిక
రతిక- ఆటలో నిన్ను కిందకు లాగుతున్నది ఎవరు? -యవర్‌, ప్రశాంత్‌
అమరదీప్‌- ఇంట్లో కపటనాటక సూత్రధారి - శివాజీ
శివాజీ - హౌసులో కలుపుమొక్క ఎవరు? - తేజ
తేజ - ఇంట్లో ఎవరికి పని తక్కువ? తిండి ఎక్కువ - రతిక
శుభశ్రీ - హర్ట్‌ చేసి సంతోషం పొందేది ఎవరు? - దామిని
ప్రియాంక - హౌసులో కామన్‌సెన్స్‌ లేనిది ఎవరికి? - ప్రశాంత్‌
గౌతమ్‌- హౌసులో నమ్మకూడదు ? ఎందుకు? తేజ

ఇదిలాఉంటే స్కంద సినిమా ఈ నెల 28న విడుదల కానుంది. ఈ సినిమా ప్రమోషన్‌ కోసం బిగ్‌బాస్‌లోకి ఆ సినిమా హీరో పోతినేని రామ్‌ వచ్చాడు. కాసేపు నాగార్జునతో మాట్లాడాడు. తర్వాత కంటెస్టెంట్స్‌కు ఓ గేమ్‌ పెట్టాడు. ఇందులో భాగంగా మ్యూజిక్‌ ప్లే అవుతుంది. పాటను ఊహించాల్సి ఉంటుంది. ఉన్న డజను మంది రెండు గ్రూపులుగా విభజించారు. టీమ్‌ స్కంధలో అమర్‌దీప్‌, శివాజీ, తేజ, గౌతమ్‌, శోభాషెట్టి, దామిని ఉన్నారు. టీమ్‌ ఇస్మార్ట్‌పై టీమ్‌ స్కంధనే గెలిచింది. ఆదివారం కంటెస్టెంట్స్‌తో ఆటలు ఆడిపిస్తూనే మధ్యమధ్యలో కంటెస్టెంట్స్‌ సేవ్‌ అయ్యారు. మొదటి రౌండ్‌లో ప్రియాంక, గౌతమ్‌ సేవ్‌ అయ్యారు. రెండో రౌండ్‌లో రతిక, మూడో రౌండ్‌లో అమరదీప్‌సేవ్‌ అయ్యాడు. ఫైనల్‌గా మిగిలిన శుభశ్రీ, దామిని యాక్టివిటీ గదిలోకి వచ్చారు. వీళ్లిద్దరిలో దామిని ఎలిమినేట్‌ అయినట్లు నాగార్జున ప్రకటించారు. దీంతో హౌస్‌లో వాళ్లకు టాటా చెప్పేసి, స్టేజీపైకి వెళ్లిపోయింది. ఎలాగూ వెళ్లిపోతున్నావు కాబట్టి వెళుతూ వెళుతూ అందరికీ తలో సలహా ఇవ్వమని దామినికి(Damini) నాగార్జున చెప్పాడు. దీంతో ఆమె అందిరికీ సలహాలు ఇచ్చింది. శివాజీ గురించి చెబుతూ అతడు కొందరికి ఫేవరెట్‌గా ఆడుతున్నాడని, అది పక్కనపెడితే ఆయన బెటరేనని చెప్పింది. హౌసులో ఇదే జరుగుతున్నప్పటికీ ఆయన దీన్ని అంగీకరించలేదు. దామినితో వాదన పెట్టుకున్నాడు. ఇంటికి వెళ్లి తన ఎపిసోడ్స్‌ చూసిన తర్వాత ఇలాగే చెబితే అప్పుడు ఒప్పుకుంటానని అన్నాడు. అలాగే బిగ్‌బాస్‌పై సొంతంగా తాను రాసిన పాటను పాడి అందరినీ ఆశ్చర్యపరిచింది దామిని.