Shruti Hassan : మందు తాగను, మాదకద్రవ్యాలు తీసుకోను....నెటిజన్‌ ప్రశ్నకు శ్రుతి హాసన్‌ జవాబు

లోకనాయకుడు కమలహాసన్‌(kamal hassan) కూతురు శ్రుతి హాసన్‌(shruthi Hassan) సినిమాల్లో ఎవరి సపోర్ట్‌ లేకుండానే తనకంటూ ప్రత్యేక స్థానాన్ని సంపాదించుకున్నారు. తనకంటూ ఓ ఇమేజ్‌ను ఏర్పరచుకున్నారు. హిందీలో హీరోయిన్‌గా ఎంట్రీ ఇచ్చిన శ్రుతి తర్వాత తెలుగు, తమిళ భాషల్లో అనేక చిత్రాలలో నటించారు. ఆమెది బంగారుపాదం. ఆమె నటించిన సినిమాలన్నీ హిట్‌ కొట్టాయి. తెలుగులో ప్రతి సినిమా సక్సెసయ్యింది. అందుకే ఆమె కాల్షీట్ల కోసం నిర్మాతలు క్యూలు కడుతున్నారు. ప్రస్తుతం ప్రభాస్‌(prabhas) హీరోగా పాన్‌ ఇండియా లెవల్లో వస్తున్న సలార్‌లో నటిస్తున్నారు శ్రుతి. సలార్‌ను(salaar) తెలుగులోనే కాదు, తమిళ, మలయాళ, హిందీ భాషలలో నిర్మిస్తున్నారు. శ్రుతి హాసన్‌ సినీ, వ్యక్తిగత జీవితం గురించి సోషల్‌ మీడియాలలో బోల్డన్నీ కథనాలు వస్తుంటాయి. ఎవరికి తోచింది వారు రాసేస్తుంటారు. ఇలాంటివాటిని శ్రుతి పెద్దగా పట్టించుకోరు. తనపై వస్తున్న కథనాలను లైట్‌ తీసుకుంటారు.

తన బాయ్‌ఫ్రెండ్‌తో(Boyfriend) కలిసి దిగిన ఫోటోలను సోషల్‌ మీడియాలో షేర్‌ చేస్తారు. ఫ్యాన్స్‌తో తరచూ ముచ్చటిస్తుంటారు. నెటిజన్లు అడిగిన ప్రశ్నలకు చక్కటి సమాధానాలిస్తారు. తన తల్లిదండ్రులు స్వేచ్ఛనిచ్చారు కదా అని హద్దు మీరి ప్రవర్తించనని, వారి గౌరవానికి తలవంపులు తెచ్చే ఎలాంటి పనిని తాను చేయనని శ్రుతి చెప్పుకొచ్చారు. ఇదంతా ఇప్పుడు ఎందుకు చెప్పాల్సి వస్తున్నదంటే తరచుగా ఫ్యాన్స్‌తో సోషల్‌ మీడియా ద్వారా ముచ్చటించే శ్రుతి హాసన్‌ ఇటీవల ఇన్‌స్టాగ్రామ్‌లో ఫ్యాన్స్‌ అడిగిన ప్రశ్నలకు జవాబులిచ్చారు. ఈ సందర్భంగా ఒక అభిమాని మీరు మద్యం(alcohol) తాగుతారా? అంటూ ప్రశ్నించాడు. దానికి శ్రుతి జవాబిస్తూ .. తాను మద్యం తాగను, మాదకద్రవ్యాలు కూడా తీసుకోను అని అన్నారు. తాను జీవితాన్ని హుందాగా గడిపే నటినని చెప్పారు. ఇలా తనేంటో మరోసారి నిరూపించుకున్నారు శ్రుతి హాసన్‌.