Rashmika & Shahrukh : బాలీవుడ్‌ బాద్‌షా షారూక్‌ ఖాన్‌తో జోడి కట్టిన రష్మిక

కొన్ని కాంబినేషన్‌ల కోసం ప్రేక్షకులు ఆసక్తిగా ఎదురుచూస్తుంటారు. తమ అభిమాన హీరో ఫలానా హీరోయిన్‌తో కలిసి నటిస్తే బాగుంటుందని ఫ్యాన్స్‌ అనుకుంటారు. కొన్నిసార్లు వారి కోరిక ఫలిస్తుంది. బాలీవుడ్‌ బాద్‌షా షారూక్‌ఖాన్‌తో(shah Rukh Khan) మొదటిసారి లేడి సూపర్‌స్టార్‌ నయనతార(Nayanthara) నటిస్తున్నారు. వీరిద్దరు కలిసి నటించిన జవాన్‌(Jawan) కోసం సినీ అభిమానులు ఆసక్తిగా ఎదురుచూస్తున్నారు. అలాగే షారూక్‌ఖాన్‌తో ప్రముఖ హీరోయిన్‌ రష్మిక(Rashmika) కూడా నటిస్తే బాగుంటుందన్న అభిప్రాయం చాలా మందికి ఉంది. ఈ కాంబినేషన్‌ ఇన్నాళ్లకు సెట్‌ అయ్యింది. అయితే అది సినిమా కోసం మాత్రం కాదు. ఓ వాణిజ్య ప్రకటనలో(Commercial Add) షారూక్‌ ఖాన్‌- రష్మిక కలిసి నటించారు. చిత్రీకరణ తర్వాత సెట్స్‌లో ఫోటోలు దిగారు. ఆ ఫోటో ప్రస్తుతం సోషల్‌ మీడియాలో వైరల్‌ అవుతూ అందరి దృష్టిని ఆకర్షిస్తోంది. వాణిజ్య ప్రకటనలో మాత్రమే కాదు, మీరిద్దరు కలిసి త్వరలో ఓ సినిమాలో నటించండి అని చాలా మంది కామెంట్‌ చేస్తున్నారు. సూపర్‌ జోడి అంటూ ఫ్యాన్స్‌ వ్యాఖ్యానిస్తున్నారు. వీరిద్దరు కలిసి నటించిన ఆ యాడ్‌ త్వరలోనే విడుదల కానుందట! అట్లీ దర్శకత్వంలో షారుక్‌ నటించిన జవాన్‌ సినిమా వచ్చే నెల 7వ తేదీన విడుదల కాబోతున్నది. పాన్‌ ఇండియా లెవల్లో ప్రేక్షకుల ముందుకు రాబోతున్నది. నయనతార హీరోయిన్‌గా నటించిన ఈ సినిమాలో ప్రముఖ నటుడు విజయ్‌ సేతుపతి విలన్‌గా నటించారు. మరోవైపు, షారుక్‌ ఖాన్‌ ఇప్పటికే డంకీ అనే చిత్రాన్ని ఒప్పుకున్నారు. రాజ్‌కుమార్‌ హిరాణీ ఈ చిత్రానికి దర్శకత్వం వహిస్తున్నారు. ఈ సంవత్సరం వారిసు ‘మిషన్‌ మజ్ను చిత్రాలలో నటించి ప్రేక్షకులను మెప్పించిన రష్మిక ప్రస్తుతం పుష్ప 2, రెయిన్‌ బో సినిమాలలో నటిస్తున్నారు. ధనుష్‌ హీరోగా దర్శకుడు శేఖర్‌ కమ్ముల రూపొందిస్తున్న సినిమాలో రష్మికనే హీరోయిన్‌! రణ్‌బీర్‌ కపూర్‌ సరసన ఆమె నటించిన యానిమల్‌ సినిమా విడుదలకు సిద్ధమవుతోంది.