Jaya Prada Case : న‌టి జయప్రద‌కు జైలు శిక్ష.. కోర్టు సంచ‌ల‌న తీర్పు

చిత్రసీమలో మంచి గుర్తింపు తెచ్చుకున్న నటి జ‌య‌ప్ర‌ద‌(Jaya Prada). తమిళంతోపాటు, తెలుగు, హిందీ, కన్నడ, బెంగాలీ, మలయాళం, మరాఠీ భాషల్లో 280కి పైగా చిత్రాల్లో నటించారు. సినీరంగంలో రాణించిన జయప్రద భరతనాట్య కళాకారిణిగా కూడా మంచి గుర్తింపు పొందింది. ఇప్పుడు రాజకీయాల్లోకి దూకి దానిపై దృష్టి సారిస్తున్నారు. రాజ‌కీయాల్లోకి వ‌చ్చిన ఆమె.. ఎంపీగా కూడా ప‌నిచేశారు. ఇంత‌టి గొప్ప చ‌రిత్ర ఉన్న‌ ఆమెకు ఇప్పుడు జైలు శిక్ష ప‌డ‌టం చ‌ర్చ‌నీయాంశ‌మైంది.

నటి జయప్రద‌ నడుపుతున్న థియేటర్‌లో పనిచేసిన కార్మికులకు రాష్ట్ర బీమా కార్పొరేషన్ ఈఎస్‌ఐ చెల్లించలేదని కార్మికులు ఫిర్యాదు చేయడంతో ఆమెపై కేసు నమోదైంది. ఈ కేసును విచారించిన ఎగ్మూర్ కోర్టు జయప్రద‌కు 6 నెలల జైలు శిక్ష విధించింది.