Samantha : నా జీవితంలో అది మర్చిపోలేని మధుర ఘట్టమది...

భారత స్వాతంత్ర్య దినోత్సవం సందర్భంగా అమెరికాలోని న్యూయార్క్‌లో ప్రతి ఏడాది ఇండియా డే పరేడ్‌ వేడుకలు నిర్వహిస్తారు. చాన్నాళ్లుగా ఈ ఆనవాయితీ కొనసాగుతోంది. ఆదివారం మధ్యాహ్నం జరిగిన ఈ వేడుకల్లో వివిధ రంగాలకు చెందిన భారతీయ ప్రముఖులు పాల్గొన్నారు. సినిమా రంగం నుంచి అగ్ర కథానాయిక సమంత(samantha), జాక్వెలిన్‌ ఫెర్నాండేజ్‌(Jacqueline Fernandez) హాజరయ్యారు. ఈ సందర్భంగా ఇండియా డే పరేడ్‌లో పాల్గొన్న సమంత తన అనుభవాలను ట్విట్టర్‌(twitter) ద్వారా అభిమానులతో పంచుకున్నారు. భారతదేశ సంస్కృతి, సంప్రదాయాల ఔన్నత్యం ఏమిటో ఈ ఇండియా డే పరేడ్‌ మరోసారి గుర్తుచేసిందని సమంత తెలిపారు. తన జీవితంలో మరచిపోలేని మధుర ఘట్టమిదని తెలిపారు. ఈ దృశ్యాలు తన మదిలో ఎప్పటికీ నిలిచిపోయి ఉంటాయన్నారు సమంత. ఈ అరుదైన గౌరవం తనకు దక్కినందుకు చాలా సంతోషంగా ఉందని సమంత పేర్కొన్నారు. గత సంవత్సరం జరిగిన పరేడ్‌లో అల్లు అర్జున్‌, అభిషేక్‌ బచ్చన్‌, రానా, రవీనా టాండన్‌ వంటి ప్రముఖులు పాల్గొన్న విషయం తెలిసిందే!