Telugu Film Industry:తెలుగు ఫిల్మ్‌ ఇండస్ట్రీలో లైంగిక వేధింపులపై సమంత స్పందన

జస్టిస్‌ హేమ(Justice Hema) కమిటీ నివేదికను స్వాగతించిన సమంత తాజాగా మరోసారి సోషల్‌ మీడియాలో స్పందించారు. చిత్ర పరిశ్రమలో మార్పు అవసరమని నటి సమంత (Samantha) పేర్కొన్నారు. వర్క్‌ప్లేస్‌ను పునరుద్ధరించుకుందామంటూ సోషల్‌ మీడియాలో పోస్ట్‌ పెట్టారు. కేరళ(Kerala)లోని విమెన్ ఇన్ సినిమా కలెక్టివ్ ప్రయత్నాలను ప్రశంసిస్తూ, సురక్షితమైన పనిని స్థాపించడానికి విధానాలను రూపొందించడంలో సహాయపడే తెలుగు చిత్ర పరిశ్రమలో 'లైంగిక వేధింపుల(Sexual Harassment)'సబ్‌కమిటీ నివేదికను ప్రచురించాలని నటి సమంతా రూత్ ప్రభు(Samantha Ruth Prabhu) తెలంగాణ ప్రభుత్వాన్ని(Telangana Govt) కోరారు. టాలీవుడ్‌(Tollywood)లో ఏర్పాటైన 2019లో ‘ది వాయిస్‌ ఆఫ్‌ విమెన్‌(The Voice Of Women)’ను గుర్తుచేస్తూ.. మహిళల సమస్యలపై పోరాడేందుకు రూపొందించిన సబ్‌ కమిటీ నివేదికను వెల్లడించాలని తెలంగాణ ప్రభుత్వాన్ని కోరారు.

హేమ కమిటీ నివేదికను తెలుగు చిత్ర పరిశ్రమలోని మహిళలు స్వాగతిస్తున్నామని, ఈ క్షణానికి బాటలు వేసిన కేరళలో డబ్ల్యూసీసీ నిరంతర కృషిని అభినందిస్తున్నామని ఆమె అన్నారు. "టీఎఫ్‌ఐ(TFI)లో మహిళలకు సురక్షితమైన పని వాతావరణాన్ని నెలకొల్పడానికి ప్రభుత్వ మరియు పరిశ్రమ విధానాలను రూపొందించడంలో సహాయపడే లైంగిక వేధింపులపై సమర్పించిన సబ్‌కమిటీ నివేదికను ప్రచురించాలని మేము తెలంగాణ ప్రభుత్వాన్ని ఇందుమూలంగా కోరుతున్నాము" అని సమంత చెప్పారు. మహిళా సంక్షేమం, ఇతర శాఖల ప్రభుత్వ అధికారులు, పోలీసు అధికారులు, సినీ, టీవీ ఆర్టిస్టుల ప్రతినిధులు, ఇతర పరిశ్రమల ప్రతినిధులతో కూడిన కమిటీని రాష్ట్ర ప్రభుత్వం 2019లో ఏర్పాటు చేసిందని, చిత్ర పరిశ్రమలో మహిళలపై వేధింపుల సమస్యలపై విచారణ జరిపామని అధికారిక వర్గాలు తెలిపాయి.