Salman Khan and Rashmika Mandanna:హీరోకు 58 ఏళ్లు.. హీరోయిన్‌కు 28 ఏళ్లు.. ఇద్దరి మధ్య రొమాన్స్‌

మన హీరోలు నిత్యయవ్వనులు.. ఎంత వయసు వచ్చినా హీరోయిన్లతో గంతులేస్తారు. వంద మందిని ఒంటిచేత్తో చితక్కొడతాడు. ఎటొచ్చి హీరోయిన్లే త్వరగా వయసు మీరిపోతారు. ఏ హీరో పక్కన హీరోయిన్‌గా నటించారో అదే హీరోకు తల్లిగా నటించే పరిస్థితి వచ్చేస్తుంది. ఇదంతా ఎందుకు చెప్పాల్సి వస్తున్నదంటే సల్మాన్‌ఖాన్‌ హీరోగా ఏఆర్‌ మురుగదాస్‌ డైరెక్షన్‌లో సికిందర్‌ అనే సినిమా రూపొందుతున్నది. వరుస పరాజయాలతో సతమతమవుతున్న సల్మాన్‌కు ఈ సినిమా ఓ అగ్నిపరీక్ష. సల్మాన్‌ పక్కన నేషనల్ క్రష్‌ రష్మిక నటిస్తున్నది. వీరిద్దరి మధ్య 30 ఏళ్ల తేడా ఉంది. అయినప్పటికీ ఇద్దరి మధ్య కెమిస్ట్రీ బాగా వర్కవుటయ్యిందట. సల్మాన్‌ వయసును రష్మిక మ్యాచ్‌ చేసేలా పెర్ఫార్మెన్స్‌ కనబర్చిందని అంటున్నారు. వేటగాడులో ఎన్టీఆర్‌-శ్రీదేవి రొమాన్స్‌ను ప్రేక్షకులు చూడలేదా అని ప్రశ్నిస్తున్నారు మేకర్స్‌. ప్రస్తుతం సికిందర్‌ మూవీ షూటింగ్‌ దశలో ఉంది. హైదరాబాద్‌లోని ఫలక్‌నుమా ప్యాలెస్‌లో కీలక సన్నివేశాలను చిత్రీకరించారు. ప్రస్తుతం సినిమా షూటింగ్‌ 50 శాతం పూర్తయ్యింది. సినిమాలో భారీ యాక్షన్‌ సన్నివేశాలు ఉంటాయని దర్శకుడు మురుగదాస్‌ అంటున్నారు.