Saif Ali Khan : అది ఎన్టీఆర్ ఆలోచనే.. కథనం బాగా లేకుంటే నాకు నిద్ర వస్తుంది
సినిమాలో ఒక పాత్రను సృష్టించ‌డం వెన‌క ఎంతో కృషి ఉంటుంది. అలాంటిది హీరోకు పోటీగా విల‌న్ పాత్రను తీర్చిదిద్దాలంటే ర‌చ‌యిత‌లు ఇంకెంత క‌ష్టప‌డాల్సివుంటుంది.
సినిమాలో ఒక పాత్రను సృష్టించ‌డం వెన‌క ఎంతో కృషి ఉంటుంది. అలాంటిది హీరోకు పోటీగా విల‌న్ పాత్రను తీర్చిదిద్దాలంటే ర‌చ‌యిత‌లు ఇంకెంత క‌ష్టప‌డాల్సివుంటుంది. పేరున్న దర్శకుడు కొర‌టాల శివ దేవర సినిమా కోసం అలాంటి ఒక పాత్రను క్రియేట్ చేశారు. ఆ పాత్రలో నటుడు సైఫ్ అలీఖాన్ న‌టించాడు. దేవర చిత్రంలో సైఫ్ అలీ ఖాన్ భైరా పాత్రలో ఒదిగిపోయాడు. నటుడిగా సైఫ్‌కి ఇదే తొలి దక్షిణ భారత చిత్రం. ఈ పాత్రలో న‌టించ‌డానికి ఎవ‌రు కార‌ణ‌మ‌నే విష‌యాన్ని సైఫ్ అలీ ఖాన్ మీడియాతో పంచుకున్నాడు.
సైఫ్ అలీ ఖాన్ ప్రకారం.. తనను సినిమాలోకి తీసుకురావాలనే ఆలోచనను జూనియర్ ఎన్టీఆర్ ఇచ్చాడు. దక్షిణాది సినిమాలంటే నాకు చాలా ఇష్టం అని చెప్పారు. భాష గురించి ఆందోళన చెందవద్దని దర్శకుడు శివ చెప్పారు. అతను కథకు అద్భుతమైన కథనాన్ని అందించాడు. సాధారణంగా కథనం బాగా లేకుంటే నాకు నిద్ర వస్తుంది. దేవర కథనం చాలా ఎమోషనల్‌గా ఉంది.
జూనియర్ ఎన్టీఆర్ నన్ను సినిమాలో తీసుకోమని సలహా ఇచ్చాడు. యాక్షన్ చాలా సరదాగా ఉన్నప్పటికీ.. సన్నివేశాలు చాలా పొడవుగా ఉన్నాయి.. చాలా మంది రెజ్లర్లతో యాక్షన్ సన్నివేశాలు ఉన్నాయని తెలిపారు. నిజానికి నాలుగు గ్రామాలకు చెందిన వివిధ నాయకులతో పోరాట సన్నివేశాలు ఉన్నాయి. ఈ యుద్ధం పురాతన కాలం నాటి ఆయుధాలతో జరుగుతుంది. టీజర్‌లో చూపించిన యాక్షన్‌ని పది రాత్రులు చిత్రీకరించామ‌ని వెల్ల‌డించాడు.
సెప్టెంబర్ 27న థియేటర్లలో విడుదల కానున్న దేవర యాక్షన్ డ్రామా చిత్రం. గత శతాబ్దపు ఎనభైలు తొంభైల నాటి కథ. భయం నేపథ్యంలో ఈ సినిమా కథను నిర్మించారు.
