RGV on Chandrababu Naidu : చంద్రబాబు నాయుడు బర్త్ డేకి.. ఆర్జీవీ అదిరిపోయే గిఫ్ట్.. !

రామ్ గోపాల్ వర్మ (Ram Gopal Varma) ఈయన కాంట్రవర్సీలకు కేరాఫ్ అడ్రెస్ అని అందరూ అంటారు. ఆయన ఏది మాట్లాడినా.. ఏది తన ట్విటర్ (twitter)‏లో రాసినా.. చివరి ఆయన ఏ పబ్బుకి పోయినా కాంట్రవర్సీ అవ్వక తప్పదు. అప్పుడెప్పుడులో 'కమ్మ రాజ్యంలో కడపరెడ్లు'.. కాదు.. కాదు.. 'అమ్మ రాజ్యంలో కడప బిడ్డలు' (Amma Rajyam Lo Kadapa Biddalu) అనే సినిమా చేశాడు రాము. అయితే అప్పట్లో ఆ సినిమాతో కాంట్రవర్సీ పర్సన్ కాస్త పొలిటికల్ కాంట్రవర్సీలకు దారి తీశాడు ఆయన. ఆ తర్వాత నుంచి ఆయన ఏది చేసినా.. అది కాస్త పొలిటికల్‏గా రంగు మార్చుకుంటుంది. అయితే రాము పర్సనల్‏గా ఏ పార్టీకి సపోర్టు చేయకపోవచ్చు కానీ.. ఆయన ఏ కాంట్రవర్సీ చేసినా.. పబ్లిసిటీకే చేస్తాడనడంలో ఎలాంటి అతిశయోక్తి లేదు. పబ్లిసిటీ అంటే అంత పిచ్చి మరి ఆయనకు.. అదే మరి రామూ అంటే.

ఇదిలా ఉంటే ఇవాళ ఏపీ మాజీ ముఖ్యమంత్రి , టీడీపీ అధినేత అయిన చంద్రబాబు నాయుడు (Chandrababu Naidu) పుట్టిన రోజు కావడంతో రాష్ట్రంలో ఆ పార్టీ నేతలు ఘనంగా జరుపుకుంటుున్నారు. చంద్రబాబుకు పలువురు ప్రముఖులు కూడా బర్త్ డే విషెస్ చెప్పారు. అందులో సెన్సేషనల్ డైరెక్టర్ రామ్ గోపాల్ వర్మ కాస్త డిఫరెంట్ విషెస్ చెప్తూ.. ఆయన అంతకముందే చెప్పినట్టు.. ఓ సర్ ప్రైజ్ బహుమతితో అంటే.. ఆయనపై సెటైరికల్‏గా రాసిన సాంగ్‏ యూట్యూబ్ (YouTube) లింక్‏ను ట్విటర్‏లో షేర్ చేశారు రాము. ' సిక్కో సైకో' పేరుతో సాగి ఈ పాట ఆర్టిఫిషియల్ ఇంటెలిజెన్స్ (artificial intelligence)‏తో రూపొందించిందని ఆయన అన్నారు. కృత్రిమ మేధనే సాహిత్యం రాసి పాడిందని తెలిపారు.

"సీబీఎన్ జగన్ సైకో అంటాడు. ఆ సంగతి అటుంచితే.. తానే ఒక సైకో సిక్కో అని తెలుకోలేకపోతున్నాడు. అవతలి వాళ్ల వైపు ఒక వేలు చూపిస్తే.. నాలుగు వేళ్లు నీవైపు చూపిస్తాయని 40 ఏళ్ల ఇండస్ట్రీ తెలుసుకోలేకపోవడం అదృష్టపరంగా దురదృష్టం. ఆక్స్‏ఫర్డ్ డిక్షనరీలో సిక్కో అనే పదానిక అర్ధం.. మెంటల్లీ డిస్టర్బ్డ్ ఏగోటో మేనియా సఫరింగ్ ఫ్రమ్ కంపల్సివ్ లైమ్ డిజార్డర్ మిక్స్ విత్ ఎల్యూజన్స్ అండ్ మల్టీప్లయిడ్ బై ఇల్యూజనేషన్స్ ఇప్పుడు ఆ సైకో సిక్కో కథ వినండి అంటూ".. ఇంట్రోతో ఈ సాంగ్ మొదలవుతుంది.

ఆ సాంగ్‏లో మొత్తం కూడా చంద్రబాబు (Chandrababu) మొదటిగా ఏ పార్టీలో ఉండేవారు.. ఆ తర్వాత ఎన్టీఆర్ హయాంలో ఏం జరిగిదనే దానిపై ఆయనపై సెటైర్స్ వేస్తూ.. పాట సాగుతుంది. ఈ సాంగ్ విన్న తెలుగు తమ్ముళ్లు అగ్గిమీద గుగ్గిలం అవుతున్నారు. అయితే ఇప్పుడు ఈ సాంగ్ సోషల్ మీడియాలో ట్రెండింగ్ (trending)లోకి వచ్చేసింది. ఇప్పుడు ఈ సాంగ్ ఎన్నెన్ని కాంట్రవర్సీలకు దారి తీస్తుందో చూడాలి మరి.