Ravi Teja New Movie : వాసు డైరెక్షన్‌లో మాస్‌ మహారాజా.... స్టోరీ లైన్‌కు ఇంప్రెస్‌ అయిన రవితేజ

మాస్‌ మహారాజా రవితేజ(ravi teja) వరుసగా సినిమాలు చేస్తున్నారు. ఆయన నటిస్తున్న టైగర్‌ నాగేశ్వరరావు(Tiger Nageshwar Rao) చిత్ర షూటింగ్‌ స్పీడ్‌గా జరుగుతోంది. అనుకున్నట్టుగానే ఈ చిత్రాన్ని అక్టోబర్‌ 20న విడుదల చేయడానికి చిత్ర యూనిట్‌ సంకల్పించింది. ఆయన నటిస్తున్న మరో చిత్రం ఈగిల్‌(Eagle) వచ్చే ఏడాది జనవరిలో విడుదల కానుంది.

అయితే ఈ రెండు సినిమాల తర్వాత రవితేజ ఏ దర్శకుడితో చిత్రాన్ని చేస్తారు? అనే ఆసక్తి ఆయన ఫ్యాన్స్‌లో నెలకొంది. ఇప్పటికే గోపీచంద్‌ మలినేని(Gopichand Malineni), అనుదీప్‌(anudeep) వంటి దర్శకుల పేర్లు తెరమీదకు వచ్చాయి. మైత్రీ మూవీ మేకర్స్‌(Mytri Movie Makers) సంస్థలో గోపీచంద్‌ దర్శకత్వలో రవితేజ ఈ సినిమా చేయనున్నారు. అయితే తాజాగా జీవీఆర్‌ వాసు(GVR Vasu) చెప్పిన ఓ స్టోరీ లైన్‌కు రవితేజ బాగా ఇంప్రెస్‌ అయ్యారట.

పూర్తి కథ విన్న తర్వాత ఈ ప్రాజెక్టుపై తుది నిర్ణయం తీసుకుంటారట. రవితేజ ఓకే అంటే ఈ చిత్రాన్ని సితార ఎంటర్‌టైన్‌మెంట్స్‌(Sithara Entertaiments) నిర్మించడానికి రెడీగా ఉంది. ప్రస్తుతం ఈ ప్రాజెక్టుకు సంబంధించిన చర్చలు జరుగుతున్నాయి. ఈ ఏడాది చివరల్లో ఈ సినిమా షూటింగ్‌ మొదలయ్యే అవకాశాలున్నాయి. మరి.. జీవీఆర్‌ వాసు కథకి రవితేజ ఫైనల్‌ గ్రీన్‌సిగ్నల్‌ ఇస్తారా? లేదా? అన్నదానిపై మరికొద్ది రోజుల్లో క్లారిటీ వస్తుంది.