Rana Daggubati : హిరణ్య కశ్యపుడిగా దగ్గుబాటి రానా

దగ్గుబాటి రానా(Rana Daggubati) కథానాయకుడిగా హిరణ్య కశ్యప(Hiranya Kasyapa) అనే సినిమా రూపొందనుంది. ప్రస్తుతం అమెరికాలోని శాండియగోలో(San Diego) జరుగుతున్న కామిక్‌ కాన్‌-2023(Comic can-2023) వేడుకల్లో పాల్గొనేందుకు ప్రభాస్‌కు తోడుగా రానా కూడా వెళ్లారు. ప్రాజెక్ట్‌ కే సినిమా టీజర్‌ విడుదల కార్యక్రమంలో ప్రభాస్‌, రానా సందడి చేయనున్నారు. ఆ వేడుకలలో భాగంగానే రానా తన కొత్త చిత్రాలను, ఇతర ప్రాజెక్టులను ప్రకటించారు. అంతర్జాతీయ స్థాయిలో హిరణ్యకశ్యప సినిమాను చేయాలన్న కోరిక రానాకు ఎప్పట్నుంచో ఉంది. అందుకోసం ఆయన నిరంతరం శ్రమిస్తున్నారు కూడా.

తాజాగా ఆ సినిమాను కామిక్‌ కాన్‌ వేదికపై ప్రకటించారు. తన సొంత నిర్మాణ సంస్థ స్పిరిట్‌ మీడియా(spirit Media) పతాకంపై ఈ చిత్రం తెరకెక్కబోతున్నదని రానా తెలిపారు. అమర చిత్ర కథల ఆధారంగా ప్రముఖ దర్శకుడు త్రివిక్రమ్‌(trivikram) రచనలో ఈ చిత్రం రూపొందనుంది. అలాగే లార్డ్‌ ఆఫ్‌ ది డెక్కన్‌(Alage Lord Of The Deccan) పేరుతో సోనీ లివ్‌తో కలిసి నిర్మించనున్న సిరీస్‌ని కూడా ఈ వేదికపై ప్రకటించారు. చాళుక్యుల రాజవంశం నేపథ్యంలో ఈ సిరీస్‌ తెరకెక్కనుంది. వీకెండ్‌ బ్లాక్‌బస్టర్‌ సంస్థతో కలిసి మిన్నల్‌ మురళి హాస్యపాత్రతో కూడిన మరో ప్రాజెక్ట్‌ని కూడా ఈ వేదికపైనే ఆవిష్కరించి అంతర్జాతీయ స్థాయిలో వాటికి ప్రాచుర్యం లభించేలా చేశారు.అయితే గతంలో రానాతో హిరణ్య కశ్యప తెరకెక్కిస్తానని దర్శకుడు గుణశేఖర్‌ ప్రకటించిన సంగతి తెలిసిందే. రానా తాజా ప్రకటనలో ఎక్కడా గుణశేఖర్‌ ప్రస్తావన లేదు. మరి ఈ సినిమాకు గుణశేఖర్‌ దర్శకత్వం వహిస్తారా? లేదా? శాకుంతలం రిజల్ట్‌ తర్వాత రానా మనసు మార్చుకున్నారా? అన్నది తెలియాల్సి ఉంది.