Rakul Preet singh : ఈ నెల 21న రకుల్‌ ప్రీత్‌ సింగ్‌ పెళ్లి

హీరోయిన్‌ రకుల్‌ ప్రీత్‌ సింగ్‌(Rakul Preet singh) త్వరలో పెళ్లి పీటలు ఎక్కబోతున్నారు. బాలీవుడ్‌ నటుడు జాకీ భగ్నానీతో(Jackie Bhagna) కలిసి ఈ నెల 21వ తేదీన ఏడు అడుగులు నడవనున్నాను. ఇప్పటికే వీరి ఇంట పెళ్లి వేడుకలు మొదలయ్యాయి. గురువారం రాత్రి ప్రీ వెడ్డింగ్‌ వేడుకలను(Pre wedding celebrations) నిర్వహించారు. భగ్నానీ ఇంట్లో జరిగిన ఈ ఫంక్షన్‌కు పలువురు సెలబ్రిటీలు హాజరయ్యారు. జాకీ భగ్నానీతో తాను రిలేషన్‌లో ఉన్నానంటూ రకుల్‌ ప్రీత్‌ సింగ్‌ మూడేళ్ల కిందటే ప్రకటించారు. కొంత‌కాలంగా ప్రేమ‌లో ఉన్న వీరిద్దరూ ఫిబ్రవ‌రి 21వ తేదీన ఒక్కటి కాబోతున్నారు. గోవాలోని(Goa) ఓ ప్రైవేట్ రిసార్ట్‌లో కుటుంబసభ్యులు, స్నేహితులు, సన్నిహితుల సమక్షంలో వీరిద్దరు పెళ్లి చేసుకోబోతున్నారు. ప్రస్తుతం హిందీలో మేరీ పత్నీ కా సినిమా రీమేక్‌లో నటిస్తున్నారు రకుల్‌ ప్రీత్‌ సింగ్‌. ప్రస్తుతం షూటింగ్‌ జరుపుకుంటోంది. తమిళంలో తెరకెక్కుతున్న ఇండియన్‌ -2(Indian-2) సినిమాలో కథానాయికగా నటిస్తున్నారు. రకుల్‌ తెలుగులో చివరగా 2021లో వచ్చిన కొండపొలంలో నటించింది.