Chandramukhi OTT Release : చంద్రముఖి2 ఓటీటీ రిలీజ్ డేట్ ఫిక్స్, స్ట్రీమింగ్ ఎప్పుడంటే..?

రిలీజ్ అయ్యి నెల కూడా అవ్వడం లేదు.. అప్పుడు ఓటీటీ(OTT) బాట పట్టింది చంద్రముఖీ 2(Chandramukhi 2) మూవీ. ఈ సినిమా ఓటీటీ రిలీజ్ డేట్ కూడా లాక్ చేసుకుంది. ఇంతకీ ఎప్పుడు.. ఏ డిజిటల్ ఫ్లాట్ ఫామ్ లో రిలీజ్ అవుతుందో తెలుసా..?

కొన్ని క్లాసిక్ మూవీస్ ను ముట్టుకోకపోవడమే మంచిది. హిట్ అయిన సినిమాకు సీక్వెల్ చేసి.. మరింత హిట్టు కొట్టాలని ప్రయత్నిస్తే.. ఒక్కోసారి ఆ ప్రయత్నాలు బెడిసికొడుతుంటాయి. అందులోనే ఒకప్పుడు ఊపు ఊపిన సినిమాలకు సీక్వెల్ వస్తుంది అంటే.. ఆసినిమాపై భరించలేని అంచనాలు ఉంటాయి. ఆకరికి ఆ సినిమాను ఎంత మంచిగా తెరకెక్కించినా.. అంచనాలుఅందుకోవడం కష్టం. తాజాగా చంద్రముఖి సీక్వెల్ కు అదే గతి పట్టింది. హిట్టయిన సినిమాకు సీక్వెల్ తెరకెక్కుతుందంటే జనాల్లో అంచనాలుండటం సహజమే. అందులోనూ ఎవర్‌గ్రీన్‌ లాంటి చంద్రముఖి సినిమాకు సీక్వెల్‌ అంటే అంచనాలు ఆకాశాన్నంటుతాయి.

పైగా సినిమా దెయ్యాలతో ఓ ఆట ఆడుకునే రాఘవ లారెన్స్(Raghava Lawrence) హీరోగా చేయడంతో ఆ అంచనాలు భారీగా పెరిగిపోయాయి. తమిళంలోనే కాదు.. ఇటు తెలుగులో కూడా ఆడియెన్స్‌లోనూ ఈ సీక్వెల్‌పై తిరుగులేని అంచనాలు క్రియేట్‌ అయ్యాయి. కాని ఈసినిమా ఆడియన్స్ ను తీవ్రంగా నిరాశ పరిచింది. ఇక తాజాగా ఈ సినిమా ఓటీటీ డేట్‌ను ఫిక్స్‌ చేసుకుంది. అక్టోబర్ 26 నుంచి ఈ సినిమా నెట్‌ఫ్లిక్స్‌లో స్ట్రీమింగ్‌ కానున్నట్లు అధికారికంగా ప్రకటన వచ్చింది.

నెట్‌ఫ్లిక్స్‌ సంస్థ ఈ సినిమా హక్కులను రిలీజ్‌కు ముందే కొనుక్కోవడంతో నిర్మాతలకు కాస్త కలిసొచ్చింది. చంద్రముఖి సినిమాకున్న క్రేజ్‌తో సీక్వెల్‌ కోసం నెట్‌ఫ్లిక్స్‌(Netflix) సంస్థ భారీ ధరకు డిజిటల్ హక్కులను దక్కించుకుంది. కంగనా రనౌత్(Kangana Ranuth) కీలకపాత్ర పోషించిన ఈ సినిమాకు ఆస్కార్‌ గ్రహిత ఎమ్‌.ఎమ్‌ కీరవాణి స్వరాలు కూర్చాడు. లైకా ప్రొడక్షన్స్‌ బ్యానర్‌ సుభాస్కరణ్‌ ఈ సినిమాను అత్యంత భారీ బడ్జెట్‌తో నిర్మించాడు.

Screaming : Cause Chandramukhi is going to have us on our edge of our seats soon!😱

Chandramukhi 2, streams from 26th Oct on Netflix in Tamil, Telugu, Malayalam, Kannada and Hindi!#Chandramukhi2OnNetflix pic.twitter.com/AcGDT7zeoo

— Netflix India South (@Netflix_INSouth) October 21, 2023