Swagathanjali Song From Chandramukhi-2 : స్వాగతాంజలి అంటున్న చంద్రముఖి

సూపర్‌స్టార్‌ రజనీకాంత్‌(Rajinikanth) ప్రధాన పాత్రలో నటించిన చంద్రముఖి(chandramukhi) సినిమా ఎంత పెద్ద హిట్టో ప్రత్యేకంగా చెప్పాల్సిన పని లేదు. పి.వాసు(P.Vasu) దర్శకత్వం వహించిన ఈ సినిమాను మలయాళంలోని మణిచిత్రతావు ఆధారంగా తీశారు. చంద్రముఖిలో రజనీకాంత్‌తో పాటు ప్రభు, జ్యోతిక, నయనతార, వడివేలు వంటి అగ్రతారాగణం నటించారు. ఇప్పుడు ఆ సినిమాకు సీక్వెల్‌ రాబోతున్నది. నటుడు, కొరియోగ్రాఫర్‌, డైరెక్టర్‌ రాఘవ లారెన్స్‌(Raghava Lawrence) ఈ సినిమాలో హీరో.. దీనికి కూడా పి.వాసునే దర్శకత్వం వహిస్తున్నాడు.

అన్నింటికంటే ముఖ్యమైన విషయమేమిటంటే ఇందులో టైటిల్‌ పాత్రను బాలీవుడ్‌ హీరోయిన్‌ కంగనా రనౌత్‌(Kangana Ranaut) పోషించడం. లైకా ప్రొడక్షన్స్‌ పతాకంపై సుభాస్కరన్‌ ఈ సినిమాను నిర్మిస్తున్నారు. లేటెస్ట్‌గా సినిమా నుంచి స్వాగతాంజలి(Swagathanjali) అనే లిరికల్‌ సాంగ్‌ను(Lyrical song) విడుదల చేసింది చిత్ర బృందం. ప్రముఖ సంగీత దర్శకుడు ఎం.ఎం.కీరవాణి(MM Kiravani) దీనికి స్వరాలు సమకూర్చారు. చైతన్యప్రసాద్‌ రాసిన ఈ పాటను శ్రీనిధి పాడారు. ఈ పాటలో రాజనర్తకి చంద్రముఖిలా కంగనా చేసే డ్యాన్స్‌ అలరిస్తుంది. వినాయకచవితి పండుగ కానుకగా ప్రపంచవ్యాప్తంగా చిత్రాన్ని విడుదల చేయడానికి ప్లాన్‌ చేస్తున్నారు. వడివేలు, లక్ష్మీమీనన్‌, మహిమా నంబియార్‌, రాధికా శరత్‌కుమార్‌ తదితరులు ముఖ్యపాత్రలు పోషిస్తున్నారు.