Pushpa The Rule: పుష్ప ఎక్కడో చెప్పేసిన సుకుమార్.. ఈ సారి వేరే లెవెల్.. !

2021లో పుష్ప: ది రైజ్ (Pushpa:The Rise) సినిమా బ్లాక్ బస్టర్‏గా నిలిచి ఓ రికార్డు సృష్టించింది. అయితే ఈ సినిమాకు సీక్వెల్ అయిన పుష్ప2: ది రూల్ (Pushpa 2:The Rule) నుంచి ఓ కొత్త అప్ డేట్ ఒచ్చేసింది. అల్లు అర్జున్ (Allul Arjun), రష్మిక మందన్న (Rashmika mandanna) జంటగా నటిస్తున్న ఈ చిత్రానికి సుకుమార్ (Sukumar)దర్శకత్వం వహిస్తున్నారు.

అయితే ఈ సినిమాకు సంబంధించిన ఇంట్రెస్టింగ్ అప్ డేట్ ఇచ్చారు. ‘తిరుపతి జైలు నుంచి బుల్లెగ్ గాయాలతో తప్పించుకున్న పుష్ప.. ఆ ప్రయత్నంలో పుష్ప (Pushpa)పై పోలీసులు కాల్పులు జరపడంతో తీవ్రంగా గాయపడ్డాడని తెలుస్తోందంటూ’.. వాయిస్ ఓవర్‏తో మొదలైన ఈ వీడియో మొత్తంలో పుష్ప చనిపోయినట్టు.. ఆ తర్వాత పుష్ప బ్యాగ్‏డ్రాప్ అండ్ పుష్ప చనిపోయాడన్న దానిపై గందరగోళ వాతావరణం ఏర్పడినట్టు మనకు అందులో చూపించారు.

అయితే మూవీ టీమ్ విడుదల చేసిన 3 నిమిషాల 17 సెకండ్ల నిడివిగల ఈ వీడియోలో 2 నిమిషాల 12 సెండ్ల దగ్గర చీకట్లో బండరాళ్ల వెనుక నుంచి ఒక పులి వస్తుండటాన్ని చూపించారు కట్ చేస్తే పులి (Tiger) ఒక్కసారిగా భయపడి వెనక్కి అడుగు వేస్తున్నట్టు చూపించారు. అప్పుడు ఆ చీకట్లో నుంచి ఒక వ్యక్తి అలా ముందుకు నడుచుకుంటూ వెళ్తున్నట్టు చూపించారు. ఆ వ్యక్తి నడుచుకుంటూ కొంచెం ముందుకు వెళ్లి వెనక్కి తిరిగి చూసి.. పుష్పరాజ్ మ్యానరిజంలో ‘తగ్గే దే లే’ అనే స్టైల్‏ను చూపించి.. పుష్ప అండర్ గ్రౌండ్‏లో ఉన్నట్టు రివీల్ చేయడంతో.. సినిమాపై మరింత హైప్ క్రియేట్ అయింది.

మైత్రీ మూవీ మేకర్స్ (Mythri Movie Makers) నిర్మిస్తున్న ఈ సినిమాలో మలయాళం హీరో ఫహద్ ఫాజిల్ (Fahadh Faasil), అనసూయ భరద్వాజ్(Anasuya Bharadwaj), సునీల్ (Sunil), జగదీష్ కీలక పాత్రల్లో నటిస్తున్నారు. ఈ చిత్రానికి రాక్ స్టార్ దేవీ శ్రీ ప్రసాద్ (Devi Sri Prasad) మ్యూజిక్ అందిస్తున్నారు. ఇప్పటికే షూటింగ్ పూర్తి చేసుకుంటున్న ఈ మూవీ త్వరలోనే ప్రేక్షకుల ముందుకు రానుంది.