Rashmika Mandanna : పుష్ప ఫీవర్‌ మొదలయ్యింది... రష్మిక తీపి జ్ఞాపకాలేమిటో తెలుసా?

దేశమంతటా పుష్ప -2(Pushpa-) ఫీవర్‌ మొదలయ్యింది. రిలీజ్‌ డేట్ దగ్గరపడుతున్న కొద్దీ ఫ్యాన్స్‌లో ఉత్కంఠ పెరుగుతోంది. అల్లు అర్జున్‌(Allu arjun fans) అభిమానులే కాదు, సినీ అభిమానులు కూడా పుష్ప 2 ది రూల్ కోసం ఆసక్తిగా ఎదురుచూస్తున్నారు. 2021లో వచ్చిన పుష్పకు సీక్వెల్ సినిమా ఇది. ఇందులో హీరోయిన్‌గా రష్మిక మందన్నా నటించింది. శ్రీవల్లిగా ఆమె నటన అదిరిపోయింది. పుష్ప 2లో మరోసారి శ్రీవల్లిగా అలరించబోతున్నది. మరికొద్ది గంటల్లో పుష్ప 2 ట్రైలర్‌ విడుదల కాబోతున్నది. ఈ సందర్భంగా సోషల్‌ మీడియాలో రష్మిక(Rashmika) కొన్ని ఫోటోలను షేర్‌ చేసింది. పుష్ప సినిమాను గుర్తుచేసుకుంటూ కొన్ని వీడియోలు కూడా షేర్‌ చేసింది. పుష్ప-2 మూవీ ట్రైలర్‌ రిలీజ్‌కు ముందు పుష్పకు సంబంధించిన అనుభవాలను గుర్తు చేసుకుంటున్నానని రష్మిక తెలిపింది. తన తీపి జ్ఞాపకాలను ఫ్యాన్‌తో పంచుకుంది. ఆమెకు ఇష్టమైన టాప్‌-10 జ్ఞాపకాలను సోషల్ మీడియాలో పోస్ట్‌ చేసింది. వాటికి సంబంధించిన ఫోటోలను కూడా షేర్‌ చేసింది.