అల్లు అర్జున్ (Allu Arujun) హీరోగా వచ్చిన పుష్ప 2 (Pushpa-2) ఇండియన్ బాక్సాఫీస్‌ దగ్గర దుమ్ము రేపుతోంది. ఫస్ట్ డే నుంచే రికార్డులను బద్దలు కొడుతూ దూసుకుపోతున్నాడు. లేటెస్ట్ గా ‘పుష్ప-2’ చిత్రం వెయ్యికోట్ల రూపాయల వసూళ్ల మైలురాయిని చేరుకుంది. కేవలం ఆరురోజుల్లో ఈ ఘనతను సాధించిన తొలి భారతీయ సినిమాగా నిలిచింది. సినిమా ఆరు రోజుల్లో 1002కోట్ల కలెక్షన్స్‌ సాధించిందని బుధవారం మేకర్స్‌ అధికారికంగా ప్రకటించారు. హిందీలో ఆరు రోజుల్లోనే 375 కోట్లు వసూలు చేసిందని, బాలీవుడ్‌లోనే ఇదొక రికార్డని పేర్కొంది. రాబోవు రోజుల్లో ఈ సినిమా మరికొన్ని రికార్డులను బద్దలు కొట్టడం ఖాయమని అభిమానులు అంచనా వేస్తున్నారు. ఇండియాతో పాటు విదేశాల్లో కూడా ఈ సినిమాకు అద్భుతమైన ఆదరణ లభిస్తున్నదట!
Next Story
