Pushpa 2 Day 32 Box Office Collection : ఇండియన్‌ సినీ హిస్టరీలో సరికొత్త రికార్డ్‌

రూ.1831 కోట్ల వసూళ్లతో భారతీయ సినీ చరిత్రలో రికార్డులను ఐకాన్‌స్టార్‌ పుష్ప-2 ది రూల్‌ తిరగరాసింది. ఇండియన్‌ బాక్సాఫీస్‌పై పుష్పరాజ్‌ రూల్‌ రూ.1831 కోట్ల వసూళ్లతో ఇండియన్‌ సినీ చరిత్రలో సరికొత్త రికార్డు సృష్టించింది. డిసెంబరు 4న ప్రీమియర్స్‌ షోస్‌తో ఇండియన్‌ బాక్సాఫీస్‌పై మొదలైన 'పుష్ప-2' ది రూల్‌ వసూళ్ల రికార్డుల పరంపర కొనసాగుతోంది. కేవలం 32 రోజుల్లోనే భారతీయసినీ చరిత్రలో ఇండియాలో అత్యధిక వసూళ్లు సాధించిన చిత్రంగా కొత్త రికార్డును క్రియేట్‌చేసింది. కేవలం 32 రోజుల్లోనే రూ. 1831 కోట్ల రూపాయాలు వసూలు చేసి పుష్ప ది రూల్‌ భారతీయ సినీ చరిత్రలో తన పేరు మీద తిరగరాసుకుంది. రూ. 1810 కోట్ల రూపాయాలు వసూలు చేసిన బాహుబలి-2 వసూళ్లను క్రాస్‌ చేసి పుష్ప-2 కొత్త రికార్డును క్రియేట్ చేసింది.

ఐకాన్‌స్టార్‌ అల్లు అర్జున్‌, దర్శకుడు సుకుమార్‌ల ఆధ్వర్యంలో రూపొందిన పుష్ప-2 ది రూల్‌. నిర్మాణ సంస్థ మైత్రీ మూవీమేకర్స్‌ సుకుమార్‌ రైటింగ్‌ సంస్థతో కలిసి ఈ ఇండియన్‌ బిగ్గెస్ట్‌ బ్లాక్‌బస్టర్‌ సినిమాను నిర్మించింది. విడుదలకు ముందే ప్రీరిలీజ్‌ బిజినెస్‌లో ఇండియాలో సరికొత్త రికార్డును నెలకొల్పిన ఈ చిత్రం సినిమా విడుదల రోజు ప్రీమియర్ నుంచే సన్సేషనల్‌ బ్లాక్‌బాస్టర్‌గా నిలిచింది. అల్లు అర్జున్‌ నట విశ్వరూపం, సుకుమార్‌ వరల్డ్‌ క్లాస్‌ టేకింగ్‌కు ప్రపంచ సినీ ప్రేమికులు ఫీదా అయిపోయారు. ముఖ్యంగా ఇండియాలో ఈ చిత్రం సృష్టించిన రికార్డుల పరంపరకు ఆకాశమే హద్దుగా ఉంది. సినిమా తొలి రోజు నుంచి 32 రోజు వరకు వసూళ్లలో వరుసగా ఇండియా ఆల్‌టైమ్‌ రికార్డుల మీద రికార్డులు కొట్టింది. ఒక రికార్డు ప్రకటించే లోపే మరొ కొత్త రికార్డును పుష్ప-2 సాధించింది. ఈ చిత్రం యావత్‌ భారతీయ సినీ పరిశ్రమను సంభ్రమశ్చర్యాలకు గురిచేస్తుంది. రష్మిక మందన్నా నాయికగా నటించిన ఈ చిత్రానికి దేవి శ్రీ ప్రసాద్‌ అద్భుతమైన బాణీలను అందించాడు. కూబా ఫోటోగ్రఫీ సినిమాకు వన్నెతెచ్చింది. ఈ చిత్రం సాధించిన, సాధిస్తున్న వసూళ్లతో ఐకాన్‌ స్టార్‌ అల్లు అర్జున్‌ ఇండియా నెంబర్‌వన్‌ హీరో అంటూ అందరూ కొనియాడుతున్నారు. దర్శకుడు సుకుమార్‌ కూడా భారతదేశం గర్వించదగ్గ దర్శకుడిగా టాప్‌ పొజిషన్‌లో నిలిచాడనే చెప్పాలి.