Priyanka Jain TTD Prank : తిరుమలలో ప్రాంక్ వీడియో...చిక్కుల్లో నటి!

ప్రియాంక జైన్‌ (Priyanka Jain) గురించి ఇంట్రడక్షన్ అనవసరం.

‘జానకి కలగనలేదు..’, ‘మౌన రాగం’ వంటి సీరియల్స్‌తో బాగా పాపులర్ అయ్యింది. టీవీ ప్రేక్షకులకు ఆమె సుపరిచితం. అన్నట్టు బిగ్ బాస్ తెలుగు సీజన్-7 లో కూడా పార్టిసిపేట్ చేసింది. తన ఆట, మాట తీరుతో మెప్పించి ఏకంగా టాప్-5లో నిలిచింది. దాంతో పాటు ప్రియాంక (Bigg Boss beauty) సోషల్‌ మీడియాలో చాలా యాక్టివ్‌. తన ప్రియుడు, బుల్లితెర నటుడు శివకుమార్‌తో కలిసి తరచూ ప్రాంక్‌ వీడియోలు చేస్తుంటుంది. ఈ ప్రాంక్ వీడియో కారణంగానే ఆమె ఒక వివాదంలో చిక్కుకుంది.

తన ప్రియుడు శివకుమార్‌తో కలిసి తిరుమల (Tirumala) శ్రీవారి దర్శనానికి వెళ్లారు. అక్కడ కూడా ఓ ప్రాంక్‌ వీడియో చేసి విమర్శలను ఎదుర్కుంటున్నారు. తిరుమల మెట్ల మార్గంలో చిరుత సంచరించే ఏడో మైలు రాయి లక్ష్మీ నరసింహ స్వామి ఆలయం దగ్గర వీరిద్దరూ కలిసి రీల్స్‌ చేశారు. చిరుత వచ్చిందంటూ ఫేక్‌ ఆడియో పెట్టి అక్కడి నుంచి పరుగులు తీశారు. ఈ వీడియోని తిరుమల దారిలో చిరుత ఎటాక్‌..? అనే థంబ్ లైన్ పెట్టీ యూట్యూబ్‌లో వీడియో వదిలారు. చివరికి చిరుత లేదు.. అదంతా ప్రాంక్‌ (Prank Video) అని నెటిజన్లను ఫూల్స్‌ని చేశారు. ఈ ప్రాంక్‌ వీడియో సామాజిక మాధ్యమాల్లో వైరల్‌గా మారింది. దీనిని చూసిన నెటిజన్లు, శ్రీవారి భక్తులు ప్రియాంక జైన్‌, శివకుమార్ ల పై తీవ్ర స్థాయిలో మండిపడుతున్నారు. పవిత్రమైన నడకదారి మార్గంలో అలాంటి వీడియోలు చేయడం ఏంటి..? అంటూ తిడుతున్నారు. సోషల్ మీడియాలో వైరల్ అయిన ఈ వీడియో ఆధారంగా..వారిద్దరిపై చర్యలు తీసుకునేందుకు తిరుమల తిరుపతి దేవస్థానం సిద్ధమైంది.