Preeti Mukundan : మంచు విష్ణుకి హీరోయిన్ దొరికింది. కన్నప్పలో ప్రీతి ముకుందన్.

ప్రస్తుతం తన డ్రీమ్ ప్రాజెక్ట్ లో బిజీగా ఉన్నాడు మంచు విష్ణు(Manchu vishnu). అత్యంత ప్రతిష్టాత్మకంగా కన్నప్ప(Kannappa) సినిమాను తెరకెక్కిస్తున్నారు. భారీ బడ్జెట్ తో విష్ణు మంచు డ్రీమ్ ప్రాజెక్ట్ గా(Dream Project) కన్నప్ప రూపొందుతోంది. దాంతో దేశ వ్యాప్తంగా ఈసినిమాపై భారీ అంచనలు ఉన్నాయి. అంతే కాదు ఈమూవీ షూటింగ్ అంతా కూడా న్యూజిలాండ్(Newzealand) లోనే చేసేలాప్లాన్ చేసుకున్నారు. ఇప్పటికే టీమ్ అంతా అక్కడ సెటిల్ అయ్యారు. షూటింగ్ శరవేగంగా సాగుతోంది. ఇక ఆల్రెడీ రిలీజ్ అయిన కన్నప్ప ఫస్ట్ లుక్ అందరినీ ఆకట్టుకుంది.

ఇక ఎప్పుడెప్పుడా అని ఎదురు చూస్తున్న ఈసినిమా గురించి మేకర్స్ మరో ప్రకటన చేశారు. ఈ చిత్రంలో డైనమిక్ స్టార్ విష్ణు మంచు సరసన ప్రీతి ముకుందన్(Preeti Mukundan) నటించనున్నారు. ఈ మేరకు టీంలోకి ఆమెను స్వాగతించింది కన్నప్ప చిత్రయూనిట్.ప్రీతి నటించబోతున్న కీలక పాత్ర కోసం ఆడిషన్స్ నిర్వహించారు. ఎన్నో రకాల ఆడిషన్స్ తరువాత ప్రీతి ఈ పాత్రకు సరిగ్గా సరిపోతుందని చిత్రయూనిట్ భావించింది. విష్ణు మంచు, మోహన్‌లాల్(Mohanlal), ప్రభాస్(Prabhas) వంటి వారు నటిస్తున్న ఈ కన్నప్ప మూవీతో ప్రీతి కెరీర్ లో మరో స్థాయికి వెళ్లనున్నారు.

బహుముఖ ప్రజ్ఞాశాలి అయిన ప్రీతి.. తన భరతనాట్య కళతో పాత్రకు ప్రాణం పోయనున్నారు. కన్నప్ప లోని యాక్షన్ సీక్వెన్స్‌లతో పాటుగా ఆమె నృత్య నైపుణ్యం ప్రేక్షకులకు విజువల్ ట్రీట్‌గా ఉంటుంది. సరికొత్త సినిమాటిక్ ఎక్స్‌పీరియెన్స్ ఇచ్చేలా కన్నప్పను తెరకెక్కిస్తున్నారు.

దర్శకుడు ముఖేష్ కుమార్ సింగ్ మాట్లాడుతూ, “ప్రీతీకి ఇది తొలి సినిమా మాత్రమే కాదు. కళ, సినిమా రంగాల గురించి మరింత ఎక్కువగా నేర్చుకునే ప్రపంచంలోకి వచ్చింది. ఆమె ఈ పాత్రకు సరిగ్గా సరిపోతుంది. ఆమెతో కలిసి పనిచేయడానికి టీం అంతా ఎదురుచూస్తోంది” అని అన్నారు