Hanu Man Movie- 3డీ లో వచ్చేస్తున్న హనుమాన్.. ఎప్పటి నుండి అంటే?

సంక్రాంతికి విడుదలై భారీ బ్లాక్ బస్టర్ గా నిలిచిన సినిమా హనుమాన్. బాక్సాఫీస్ రికార్డులను బద్దలు కొట్టిన హనుమాన్ త్వరలో 3డీ లో కూడా సందడి చేయనుంది. ఈ ఏడాది చివర్లో 3D వెర్షన్‌లో మళ్లీ థియేటర్లలోకి సినిమా రానుందని తెలుస్తోంది. జనవరి 12న విడుదలైన హనుమాన్ బాక్సాఫీస్ వద్ద అద్భుతమైన రన్ ను సాధించింది. ఆల్-టైమ్ సంక్రాంతి బిగ్గెస్ట్ గ్రాసర్‌గా నిలిచింది. 300 కోట్ల మార్కును చేరుకోవడంతో టాలీవుడ్ లో టాప్ 8 గ్రాసర్‌లలో తన స్థానాన్ని దక్కించుకుంది.

హనుమాన్ సినిమా త్వరలోనే ఓటీటీలోకి కూడా రాబోతోంది. అంతేకాకుండా హనుమాన్ 3డి వెర్షన్ త్వరలో విడుదల కానుందని వార్తలు వచ్చాయి. అమెరికాలో కూడా హనుమాన్ సినిమాకు మంచి కలెక్షన్స్ వచ్చాయి. దీంతో హను-మాన్ టీమ్ 3డి వెర్షన్‌ను అతి త్వరలో విడుదల చేయనున్నట్లు అధికారికంగా ధృవీకరించింది. 3D వెర్షన్‌లో హనుమాన్ సినిమాలో కొన్ని కొత్త యాక్షన్ ఎపిసోడ్స్ ఉంటాయని కూడా చిత్ర బృందం ధృవీకరించింది. ఈ సినిమా క్లైమాక్స్‌లో హనుమంతుని ఎపిసోడ్ హైలైట్ అయింది. ఆ ఎపిసోడ్ ను 3డీ లో చూసి ఉండి ఉంటే మరింత కిక్ ఇచ్చేదని గతంలో పలువురు అభిప్రాయాన్ని వెల్లడించారు. ఇప్పుడు మేకర్స్ హనుమంతుడికి సంబంధించిన సీన్స్, యాక్షన్ బ్లాక్‌లను కొత్తగా యాడ్ చేయబోతున్నారని హామీ ఇవ్వడంతో ఈ చిత్రం ఖచ్చితంగా ప్రేక్షకులను తిరిగి థియేటర్‌లకు లాగనుంది.ఇక ఈ సినిమా 3డీ వెర్షన్ కు ఎలాంటి స్పందన వస్తుందో చూడాలి.. ఈ సినిమా ఓటీటీ లోకి వచ్చాక కూడా 3డీ వెర్షన్ ను చూడడానికి ఎంతమంది టికెట్లు కొనుక్కుని వెళతారో చూడాలి.